10. чӯл̣апантхакасуттам̣

50. евам̣ ме сутам̣ – екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена а̄йасма̄ чӯл̣апантхако [чуллапантхако (сӣ.), чӯлапантхако (пӣ.)] бхагавато авидӯре нисинно хоти паллан̇кам̣ а̄бхуджитва̄ уджум̣ ка̄йам̣ пан̣идха̄йа паримукхам̣ сатим̣ упат̣т̣хапетва̄.

аддаса̄ кхо бхагава̄ а̄йасмантам̣ чӯл̣апантхакам̣ авидӯре нисиннам̣ паллан̇кам̣ а̄бхуджитва̄ уджум̣ ка̄йам̣ пан̣идха̄йа паримукхам̣ сатим̣ упат̣т̣хапетва̄.

атха кхо бхагава̄ етаматтхам̣ видитва̄ та̄йам̣ вела̄йам̣ имам̣ уда̄нам̣ уда̄неси –

‘‘т̣хитена ка̄йена т̣хитена четаса̄,

тит̣т̣хам̣ нисинно уда ва̄ сайа̄но;

етам̣ [евам̣ (ка.)] сатим̣ бхиккху адхит̣т̣хаха̄но,

лабхетха пубба̄парийам̣ висесам̣;

ладдха̄на пубба̄парийам̣ висесам̣,

адассанам̣ маччура̄джасса гаччхе’’ти. дасамам̣;

сон̣авагго [сон̣атхеравагго (сйа̄. кам̣. ка.) маха̄вагго (ат̣т̣хакатха̄йа самети)] пан̃чамо нит̣т̣хито.