5. маха̄моггалла̄насуттам̣

25. евам̣ ме сутам̣ – екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена а̄йасма̄ маха̄моггалла̄но бхагавато авидӯре нисинно хоти паллан̇кам̣ а̄бхуджитва̄ уджум̣ ка̄йам̣ пан̣идха̄йа ка̄йагата̄йа сатийа̄ аджджхаттам̣ сӯпат̣т̣хита̄йа. аддаса̄ кхо бхагава̄ а̄йасмантам̣ маха̄моггалла̄нам̣ авидӯре нисиннам̣ паллан̇кам̣ а̄бхуджитва̄ уджум̣ ка̄йам̣ пан̣идха̄йа ка̄йагата̄йа сатийа̄ аджджхаттам̣ сӯпат̣т̣хита̄йа.

атха кхо бхагава̄ етаматтхам̣ видитва̄ та̄йам̣ вела̄йам̣ имам̣ уда̄нам̣ уда̄неси –

‘‘сати ка̄йагата̄ упат̣т̣хита̄,

чхасу пхасса̄йатанесу сам̣вуто;

сататам̣ бхиккху сама̄хито,

джан̃н̃а̄ нибба̄наматтано’’ти. пан̃чамам̣;