2. дхаммуддхаччава̄раниддесо

6. катхам̣ дхаммуддхаччавиггахитам̣ ма̄насам̣ хоти? аниччато манасикарото обха̄со уппаджджати, обха̄со дхаммоти обха̄сам̣ а̄ваджджати, тато виккхепо уддхаччам̣. тена уддхаччена виггахитама̄насо аниччато упат̣т̣ха̄нам̣ йатха̄бхӯтам̣ наппаджа̄на̄ти, дуккхато упат̣т̣ха̄нам̣ йатха̄бхӯтам̣ наппаджа̄на̄ти, анаттато упат̣т̣ха̄нам̣ йатха̄бхӯтам̣ наппаджа̄на̄ти. тена вуччати – ‘‘дхаммуддхаччавиггахитама̄насо хоти со самайо, йам̣ там̣ читтам̣ аджджхаттамева сантит̣т̣хати саннисӣдати екоди хоти сама̄дхийати. тасса магго сан̃джа̄йатӣ’’ти катхам̣ магго сан̃джа̄йати…пе… евам̣ магго сан̃джа̄йати, евам̣ сан̃н̃оджана̄ни пахӣйанти, анусайа̄ бйантӣхонти.

аниччато манасикарото н̃а̄н̣ам̣ уппаджджати, пӣти уппаджджати, пассаддхи уппаджджати, сукхам̣ уппаджджати, адхимоккхо уппаджджати, паггахо уппаджджати, упат̣т̣ха̄нам̣ уппаджджати, упеккха̄ уппаджджати, никанти уппаджджати, ‘никанти дхаммо’ти никантим̣ а̄ваджджати. тато виккхепо уддхаччам̣. тена уддхаччена виггахитама̄насо аниччато упат̣т̣ха̄нам̣ йатха̄бхӯтам̣ наппаджа̄на̄ти, дуккхато упат̣т̣ха̄нам̣ йатха̄бхӯтам̣ наппаджа̄на̄ти, анаттато упат̣т̣ха̄нам̣ йатха̄бхӯтам̣ наппаджа̄на̄ти. тена вуччати – ‘‘дхаммуддхаччавиггахитама̄насо хоти со самайо, йам̣ там̣ читтам̣ аджджхаттамева сантит̣т̣хати саннисӣдати екоди хоти сама̄дхийати. тасса магго сан̃джа̄йатӣ’’ти. катхам̣ магго сан̃джа̄йати…пе… евам̣ магго сан̃джа̄йати, евам̣ сан̃н̃оджана̄ни пахӣйанти, анусайа̄ бйантӣхонти.

дуккхато манасикарото…пе… анаттато манасикарото обха̄со уппаджджати…пе… н̃а̄н̣ам̣ уппаджджати, пӣти уппаджджати, пассаддхи уппаджджати, сукхам̣ уппаджджати, адхимоккхо уппаджджати, паггахо уппаджджати, упат̣т̣ха̄нам̣ уппаджджати, упеккха̄ уппаджджати, никанти уппаджджати, ‘никанти дхаммо’ти никантим̣ а̄ваджджати. тато виккхепо уддхаччам̣. тена уддхаччена виггахитама̄насо анаттато упат̣т̣ха̄нам̣, аниччато упат̣т̣ха̄нам̣, дуккхато упат̣т̣ха̄нам̣ йатха̄бхӯтам̣ наппаджа̄на̄ти. тена вуччати – ‘‘дхаммуддхаччавиггахитама̄насо…пе… евам̣ сан̃н̃оджана̄ни пахӣйанти, анусайа̄ бйантӣхонти’’.

рӯпам̣ аниччато манасикарото…пе… рӯпам̣ дуккхато манасикарото… рӯпам̣ анаттато манасикарото… веданам̣…пе… сан̃н̃ам̣… сан̇кха̄ре… вин̃н̃а̄н̣ам̣… чаккхум̣…пе… джара̄маран̣ам̣ аниччато манасикарото…пе… джара̄маран̣ам̣ дуккхато манасикарото, джара̄маран̣ам̣ анаттато манасикарото обха̄со уппаджджати…пе… н̃а̄н̣ам̣ уппаджджати, пӣти уппаджджати, пассаддхи уппаджджати, сукхам̣ уппаджджати, адхимоккхо уппаджджати, паггахо уппаджджати, упат̣т̣ха̄нам̣ уппаджджати, упеккха̄ уппаджджати, никанти уппаджджати, ‘никанти дхаммо’ти никантим̣ а̄ваджджати. тато виккхепо уддхаччам̣. тена уддхаччена виггахитама̄насо. джара̄маран̣ам̣ анаттато упат̣т̣ха̄нам̣ йатха̄бхӯтам̣ наппаджа̄на̄ти. джара̄маран̣ам̣ аниччато упат̣т̣ха̄нам̣ йатха̄бхӯтам̣ наппаджа̄на̄ти, джара̄маран̣ам̣ дуккхато упат̣т̣ха̄нам̣ йатха̄бхӯтам̣ наппаджа̄на̄ти. тена вуччати – ‘‘дхаммуддхаччавиггахитама̄насо хоти. со самайо, йам̣ там̣ читтам̣ аджджхаттамева сантит̣т̣хати саннисӣдати екоди хоти сама̄дхийати. тасса магго сан̃джа̄йатӣ’’ти. катхам̣ магго сан̃джа̄йати…пе… евам̣ магго сан̃джа̄йати. евам̣ сан̃н̃оджана̄ни пахӣйанти, анусайа̄ бйантӣхонти. евам̣ дхаммуддхаччавиггахитам̣ ма̄насам̣ хоти.

7. обха̄се чева н̃а̄н̣е ча, пӣтийа̄ ча викампати;

пассаддхийа̄ сукхе чева, йехи читтам̣ паведхати.

адхимоккхе ча пагга̄хе, упат̣т̣ха̄не ча кампати;

упеккха̄ваджджана̄йа чева, упеккха̄йа ча никантийа̄.

има̄ни даса т̣ха̄на̄ни, пан̃н̃а̄ йасса париччита̄;

дхаммуддхаччакусало хоти, на ча саммоха гаччхати.

виккхипати чева килиссати ча, чавати читтабха̄вана̄;

виккхипати на килиссати, бха̄вана̄ париха̄йати.

виккхипати на килиссати, бха̄вана̄ на париха̄йати;

на ча виккхипате читтам̣ на килиссати, на чавати читтабха̄вана̄.

имехи чатӯхи т̣ха̄нехи читтасса сан̇кхепавиккхепавиггахитам̣ [сан̇кхепам̣ виккхепам̣ виггахитам̣ (сйа̄.)] даса т̣ха̄не сампаджа̄на̄тӣти.

йуганаддхакатха̄ нит̣т̣хита̄.