5. накулан̇гапан̃хо

5. ‘‘бханте на̄гасена, ‘накуласса екам̣ ан̇гам̣ гахетабба’нти йам̣ вадеси, катамам̣ там̣ екам̣ ан̇гам̣ гахетабба’’нти? ‘‘йатха̄, маха̄ра̄джа, накуло урагамупагаччханто бхесаджджена ка̄йам̣ парибха̄ветва̄ урагамупагаччхати гахетум̣, евамева кхо, маха̄ра̄джа, йогина̄ йога̄вачарена кодха̄гха̄табахулам̣ калахавиггахавива̄давиродха̄бхибхӯтам̣ локамупагаччхантена метта̄бхесаджджена ма̄насам̣ анулимпитаббам̣. идам̣, маха̄ра̄джа, накуласса екам̣ ан̇гам̣ гахетаббам̣. бха̄ситампетам̣, маха̄ра̄джа, тхерена са̄рипуттена дхаммасена̄патина̄ –

‘‘‘тасма̄ сакам̣ паресампи, ка̄табба̄ меттабха̄вана̄;

меттачиттена пхаритаббам̣, етам̣ буддха̄на са̄сана’’’нти.

накулан̇гапан̃хо пан̃чамо.