4. виччхикан̇гапан̃хо

4. ‘‘бханте на̄гасена, ‘виччхикасса екам̣ ан̇гам̣ гахетабба’нти йам̣ вадеси, катамам̣ там̣ екам̣ ан̇гам̣ гахетабба’’нти? ‘‘йатха̄, маха̄ра̄джа, виччхико нан̇гула̄вудхо нан̇гулам̣ усса̄петва̄ чарати, евамева кхо, маха̄ра̄джа, йогина̄ йога̄вачарена н̃а̄н̣а̄вудхена бхавитаббам̣, н̃а̄н̣ам̣ усса̄петва̄ вихаритаббам̣. идам̣, маха̄ра̄джа, виччхикасса екам̣ ан̇гам̣ гахетаббам̣. бха̄ситампетам̣, маха̄ра̄джа, тхерена упасенена ван̇гантапуттена –

‘‘‘н̃а̄н̣акхаггам̣ гахетва̄на, вихаранто випассако;

паримуччати саббабхайа̄, дуппасахо ча со бхаве’’’ти.

виччхикан̇гапан̃хо чатуттхо.