10. маккат̣ан̇гапан̃хо

10. ‘‘бханте на̄гасена, ‘маккат̣асса две ан̇га̄ни гахетабба̄нӣ’ти йам̣ вадеси, катама̄ни та̄ни две ан̇га̄ни гахетабба̄нӣ’’ти? ‘‘йатха̄, маха̄ра̄джа, маккат̣о ва̄самупагаччханто татха̄рӯпе ока̄се махатимаха̄руккхе павивитте саббат̣т̣хакаса̄кхе [саббаттхакаса̄кхе (сйа̄.), саббат̣т̣хаса̄кхе (ка.)] бхӣрутта̄н̣е ва̄самупагаччхати, евамева кхо, маха̄ра̄джа, йогина̄ йога̄вачарена ладжджим̣ песалам̣ сӣлавантам̣ калйа̄н̣адхаммам̣ бахуссутам̣ дхаммадхарам̣ винайадхарам̣ пийам̣ гарубха̄ванӣйам̣ ватта̄рам̣ вачанаккхамам̣ ова̄дакам̣ вин̃н̃а̄пакам̣ сандассакам̣ сама̄дапакам̣ самуттеджакам̣ сампахам̣сакам̣ еварӯпам̣ калйа̄н̣амиттам̣ а̄чарийам̣ нисса̄йа вихаритаббам̣. идам̣, маха̄ра̄джа, маккат̣асса пат̣хамам̣ ан̇гам̣ гахетаббам̣.

‘‘пуна чапарам̣, маха̄ра̄джа, маккат̣о руккхе йева чарати тит̣т̣хати нисӣдати, йади ниддам̣ оккамати, таттхева раттим̣ ва̄саманубхавати. евамева кхо, маха̄ра̄джа, йогина̄ йога̄вачарена павана̄бхимукхена бхавитаббам̣, паване йева т̣ха̄начан̇каманисаджджа̄сайанам̣ ниддам̣ оккамитаббам̣, таттхева сатипат̣т̣ха̄наманубхавитаббам̣. идам̣, маха̄ра̄джа, маккат̣асса дутийам̣ ан̇гам̣ гахетаббам̣. бха̄ситампетам̣, маха̄ра̄джа, тхерена са̄рипуттена дхаммасена̄патина̄ –

‘‘‘чан̇камантопи тит̣т̣ханто, нисаджджа̄сайанена ва̄;

паване собхате бхиккху, паванантам̣ва ван̣н̣ита’’’нти.

маккат̣ан̇гапан̃хо дасамо.

гадрабхавагго пат̣хамо.

тассудда̄нам̣ –

гадрабхо чева [гхорассаро ча (сӣ. сйа̄. пӣ.)] куккут̣о, каландо дӣпини дӣпико;

куммо вам̣со ча ча̄по ча, ва̄йасо атха маккат̣оти.