10. нибба̄насукхаджа̄нанапан̃хо

10. ра̄джа̄ а̄ха ‘‘бханте на̄гасена, йо на лабхати нибба̄нам̣, джа̄на̄ти со ‘сукхам̣ нибба̄на’’’нти? ‘‘а̄ма, маха̄ра̄джа, йо на лабхати нибба̄нам̣, джа̄на̄ти со ‘сукхам̣ нибба̄на’’’нти. ‘‘катхам̣, бханте на̄гасена, алабханто джа̄на̄ти ‘сукхам̣ нибба̄на’’’нти? ‘‘там̣ ким̣ ман̃н̃аси, маха̄ра̄джа, йесам̣ наччхинна̄ хаттхапа̄да̄, джа̄неййум̣ те, маха̄ра̄джа, ‘дуккхам̣ хаттхапа̄даччхедана’’’нти? ‘‘а̄ма, бханте, джа̄неййу’’нти. ‘‘катхам̣ джа̄неййу’’нти? ‘‘ан̃н̃есам̣, бханте, чхиннахаттхапа̄да̄нам̣ паридевитасаддам̣ сутва̄ джа̄нанти ‘дуккхам̣ хаттхапа̄даччхедана’’’нти. ‘‘евамева кхо, маха̄ра̄джа, йесам̣ дит̣т̣хам̣ нибба̄нам̣, тесам̣ саддам̣ сутва̄ джа̄на̄ти ‘сукхам̣ нибба̄на’’’нти.

‘‘каллоси, бханте на̄гасена̄’’ти.

нибба̄насукхаджа̄нанапан̃хо дасамо.

нибба̄навагго чатуттхо.

имасмим̣ вагге даса пан̃ха̄.