7. чаккхувин̃н̃а̄н̣а̄дипан̃хо

7. ра̄джа̄ а̄ха ‘‘бханте на̄гасена, йаттха чаккхувин̃н̃а̄н̣ам̣ уппаджджати, таттха мановин̃н̃а̄н̣ампи уппаджджатӣ’’ти? ‘‘а̄ма, маха̄ра̄джа, йаттха чаккхувин̃н̃а̄н̣ам̣ уппаджджати, таттха мановин̃н̃а̄н̣ампи уппаджджатӣ’’ти.

‘‘ким̣ ну кхо, бханте на̄гасена, пат̣хамам̣ чаккхувин̃н̃а̄н̣ам̣ уппаджджати, паччха̄ мановин̃н̃а̄н̣ам̣, уда̄ху мановин̃н̃а̄н̣ам̣ пат̣хамам̣ уппаджджати, паччха̄ чаккхувин̃н̃а̄н̣а’’нти? ‘‘пат̣хамам̣, маха̄ра̄джа, чаккхувин̃н̃а̄н̣ам̣ уппаджджати, паччха̄ мановин̃н̃а̄н̣а’’нти.

‘‘ким̣ ну кхо, бханте на̄гасена, чаккхувин̃н̃а̄н̣ам̣ мановин̃н̃а̄н̣ам̣ а̄н̣а̄пети ‘йаттха̄хам̣ уппаджджа̄ми, твампи таттха уппаджджа̄хӣ’ти, уда̄ху мановин̃н̃а̄н̣ам̣ чаккхувин̃н̃а̄н̣ам̣ а̄н̣а̄пети ‘йаттха твам̣ уппаджджиссаси, ахампи таттха уппаджджисса̄мӣ’’’ти? ‘‘на хи, маха̄ра̄джа, ана̄ла̄по тесам̣ ан̃н̃аман̃н̃ехӣ’’ти.

‘‘катхам̣, бханте на̄гасена, йаттха чаккхувин̃н̃а̄н̣ам̣ уппаджджати, таттха мановин̃н̃а̄н̣ампи уппаджджатӣ’’ти? ‘‘ниннатта̄ ча, маха̄ра̄джа, два̄ратта̄ ча чин̣н̣атта̄ ча самуда̄чаритатта̄ ча̄’’ти.

‘‘катхам̣, бханте на̄гасена, ниннатта̄ йаттха чаккхувин̃н̃а̄н̣ам̣ уппаджджати, таттха мановин̃н̃а̄н̣ампи уппаджджати? опаммам̣ карохӣ’’ти. ‘‘там̣ ким̣ ман̃н̃аси, маха̄ра̄джа, деве вассанте катамена удакам̣ гаччхеййа̄’’ти? ‘‘йена, бханте, ниннам̣, тена гаччхеййа̄’’ти. ‘‘атха̄парена самайена дево вассеййа, катамена там̣ удакам̣ гаччхеййа̄’’ти. ‘‘йена, бханте, пуримам̣ удакам̣ гатам̣, тампи тена гаччхеййа̄’’ти.

‘‘ким̣ нум̣ кхо, маха̄ра̄джа, пуримам̣ удакам̣ паччхимам̣ удакам̣ а̄н̣а̄пети ‘йена̄хам̣ гаччха̄ми, твампи тена гаччха̄хӣ’ти, паччхимам̣ ва̄ удакам̣ пуримам̣ удакам̣ а̄н̣а̄пети ‘йена твам̣ гаччхиссаси, ахампи тена гаччхисса̄мӣ’’’ти. ‘‘на хи, бханте, ана̄ла̄по тесам̣ ан̃н̃аман̃н̃ехи, ниннатта̄ гаччхантӣ’’ти. ‘‘евамева кхо, маха̄ра̄джа, ниннатта̄ йаттха чаккхувин̃н̃а̄н̣ам̣ уппаджджати, таттха мановин̃н̃а̄н̣ампи уппаджджати, на чаккхувин̃н̃а̄н̣ам̣ мановин̃н̃а̄н̣ам̣ а̄н̣а̄пети ‘йаттха̄хам̣ уппаджджа̄ми, твампи таттха уппаджджа̄хӣ’ти, на̄пи мановин̃н̃а̄н̣ам̣ чаккхувин̃н̃а̄н̣ам̣ а̄н̣а̄пети ‘йаттха твам̣ уппаджджиссаси, ахампи таттха уппаджджисса̄мӣ’ти, ана̄ла̄по тесам̣ ан̃н̃аман̃н̃ехи, ниннатта̄ уппаджджантӣ’’’ти.

‘‘катхам̣, бханте на̄гасена, два̄ратта̄ йаттха чаккхувин̃н̃а̄н̣ам̣ уппаджджати, таттха мановин̃н̃а̄н̣ампи уппаджджати? апепаммам̣ карохӣ’’ти. ‘‘там̣ ким̣ ман̃н̃аси, маха̄ра̄джа, ран̃н̃о паччантимам̣ нагарам̣ асса дал̣хапа̄ка̄раторан̣ам̣ екадва̄рам̣, тато пурисо никкхамитука̄мо бхавеййа, катамена никкхамеййа̄’’ти? ‘‘два̄рена, бханте, никкхамеййа̄’’ти. ‘‘атха̄паро пурисо никкхамитука̄мо бхавеййа, катамена со никкхамеййа̄’’ти? ‘‘йена, бханте, пуримо пурисо никкханто, сопи тена никкхамеййа̄’’ти.

‘‘ким̣ ну кхо, маха̄ра̄джа, пуримо пурисо паччхимам̣ пурисам̣ а̄н̣а̄пети ‘йена̄хам̣ гаччха̄ми, твампи тена гаччха̄хӣ’ти, паччхимо ва̄ пурисо пуримам̣ пурисам̣ а̄н̣а̄пети ‘йена твам̣ гаччхиссаси, ахампи тена гаччхисса̄мӣ’ти. ‘‘на хи, бханте, ана̄ла̄по тесам̣ ан̃н̃аман̃н̃ехи, два̄ратта̄ гаччхантӣ’’ти. ‘‘евамева кхо, маха̄ра̄джа, два̄ратта̄ йаттха чаккхувин̃н̃а̄н̣ам̣ уппаджджати, таттха мановин̃н̃а̄н̣ампи уппаджджати, на чаккхувин̃н̃а̄н̣ам̣ мановин̃н̃а̄н̣ам̣ а̄н̣а̄пети ‘йаттха̄хам̣ уппаджджа̄ми, твампи таттха уппаджджа̄хӣ’ти, на̄пи мановин̃н̃а̄н̣ам̣ чаккхувин̃н̃а̄н̣ам̣ а̄н̣а̄пети ‘йаттха твам̣ уппаджджиссаси, ахампи таттха уппаджджисса̄мӣ’ти, ана̄ла̄по тесам̣ ан̃н̃аман̃н̃ехи, два̄ратта̄ уппаджджантӣ’’ти.

‘‘катхам̣, бханте на̄гасена, чин̣н̣атта̄ йаттха чаккхувин̃н̃а̄н̣ам̣ уппаджджати, таттха мановин̃н̃а̄н̣ампи уппаджджати?опаммам̣ карохӣ’’ти. ‘‘там̣ ким̣ ман̃н̃аси, маха̄ра̄джа, пат̣хамам̣ екам̣ сакат̣ам̣ гаччхеййа, атха дутийам̣ сакат̣ам̣ катамена гаччхеййа̄’’ти? ‘‘йена, бханте, пуримам̣ сакат̣ам̣ гатам̣, тампи тена гаччхеййа̄’’ти.

‘‘ким̣ ну кхо, маха̄ра̄джа, пуримам̣ сакат̣ам̣ паччхимам̣ сакат̣ам̣ а̄н̣а̄пети ‘йена̄хам̣ гаччха̄ми, твампи тена гаччха̄хӣ’ти, паччхимам̣ ва̄ сакат̣ам̣ пуримам̣ сакат̣ам̣ а̄н̣а̄пети ‘йена твам̣ гаччхиссаси, ахампи тена гаччхисса̄мӣ’’’ти. ‘‘на хи, бханте, ана̄ла̄по тесам̣ ан̃н̃аман̃н̃ехи, чин̣н̣атта̄ гаччхантӣ’’ти. ‘‘евамева кхо, маха̄ра̄джа, чин̣н̣атта̄ йаттха чаккхувин̃н̃а̄н̣ам̣ уппаджджати, таттха мановин̃н̃а̄н̣ампи уппаджджати, на чаккхувин̃н̃а̄н̣ам̣ мановин̃н̃а̄н̣ам̣ а̄н̣а̄пети ‘йаттха̄хам̣ уппаджджа̄ми, твампи таттха уппаджджа̄хӣ’ти, на̄пи мановин̃н̃а̄н̣ам̣ чаккхувин̃н̃а̄н̣ам̣ а̄н̣а̄пети ‘йаттха твам̣ уппаджджиссаси, ахампи таттха уппаджджисса̄мӣ’ти, ана̄ла̄по тесам̣ ан̃н̃аман̃н̃ехи, чин̣н̣атта̄ уппаджджантӣ’’ти.

‘‘катхам̣, бханте на̄гасена, самуда̄чаритатта̄ йаттха чаккхувин̃н̃а̄н̣ам̣ уппаджджати, таттха мановин̃н̃а̄н̣ампи уппаджджати? опаммам̣ карохӣ’’ти. ‘‘йатха̄, маха̄ра̄джа, мудда̄ган̣ана̄сан̇кхйа̄лекха̄сиппат̣т̣ха̄несу а̄дикаммикасса дандха̄йана̄ бхавати, атха̄парена самайена нисаммакирийа̄йа самуда̄чаритатта̄ адандха̄йана̄ бхавати. евамева кхо, маха̄ра̄джа, самуда̄чаритатта̄ йаттха чаккхувин̃н̃а̄н̣ам̣ уппаджджати, таттха мановин̃н̃а̄н̣ампи уппаджджати, на чаккхувин̃н̃а̄н̣ам̣ мановин̃н̃а̄н̣ам̣ а̄н̣а̄пети ‘йаттха̄хам̣ уппаджджа̄ми, твампи таттха уппаджджа̄хӣ’ти, на̄пи мановин̃н̃а̄н̣ам̣ чаккхувин̃н̃а̄н̣ам̣ а̄н̣а̄пети ‘йаттха твам̣ уппаджджиссаси, ахампи таттха уппаджджисса̄мӣ’ти, ана̄ла̄по тесам̣ ан̃н̃аман̃н̃ехи, самуда̄чаритатта̄ уппаджджантӣ’’ти.

‘‘бханте на̄гасена, йаттха сотавин̃н̃а̄н̣ам̣ уппаджджати, таттха мановин̃н̃а̄н̣ампи уппаджджатӣти…пе… йаттха гха̄навин̃н̃а̄н̣ам̣ уппаджджати…пе… йаттха дживха̄вин̃н̃а̄н̣ам̣ уппаджджати …пе… йаттха ка̄йавин̃н̃а̄н̣ам̣ уппаджджати, таттха мановин̃н̃а̄н̣ампи уппаджджатӣ’’ти? ‘‘а̄ма, маха̄ра̄джа, йаттха ка̄йавин̃н̃а̄н̣ам̣ уппаджджати, таттха мановин̃н̃а̄н̣ампи уппаджджатӣ’’ти.

‘‘ким̣ ну кхо, бханте на̄гасена, пат̣хамам̣ ка̄йавин̃н̃а̄н̣ам̣ уппаджджати, паччха̄ мановин̃н̃а̄н̣ам̣, уда̄ху мановин̃н̃а̄н̣ам̣ пат̣хамам̣ уппаджджати, паччха̄ ка̄йавин̃н̃а̄н̣а’’нти? ‘‘ка̄йавин̃н̃а̄н̣ам̣, маха̄ра̄джа, пат̣хамам̣ уппаджджати, паччха̄ мановин̃н̃а̄н̣а’’нти.

‘‘ким̣ ну кхо, бханте на̄гасена,…пе… ана̄ла̄по тесам̣ ан̃н̃аман̃н̃ехи, самуда̄чаритатта̄ уппаджджантӣ’’ти.

‘‘каллоси, бханте на̄гасена̄’’ти.

чаккхувин̃н̃а̄н̣а̄дипан̃хо саттамо.