340. висайхаджа̄такам̣ (4-4-10)

157. ада̄си да̄на̄ни пуре висайха, дадато ча те кхайадхаммо ахоси;

ито парам̣ че на дадеййа да̄нам̣, тит̣т̣хеййум̣ те сам̣йамантасса бхога̄.

158. анарийамарийена сахассанетта, судуггатена̄пи акиччама̄ху;

ма̄ во дханам̣ там̣ аху девара̄джа [ахува̄ джанинда (ка. сӣ. сйа̄. пӣ.)], йам̣ бхогахету виджахему саддхам̣.

159. йена еко ратхо йа̄ти, йа̄ти тена̄паро ратхо;

пора̄н̣ам̣ нихитам̣ ваттам̣, ваттатан̃н̃ева [ваддхам̣, ваддхатан̃н̃ева (ка. сӣ. пӣ.)] ва̄сава.

160. йади хессати дасса̄ма, асанте ким̣ дада̄масе;

евам̣бхӯта̄пи дасса̄ма, ма̄ да̄нам̣ памадамхасети.

висайхаджа̄такам̣ дасамам̣.

кокилавагго [кока̄ликавагго (ка.)] чатуттхо.

тассудда̄нам̣ –

ативелапабха̄сати джӣтаваро, ванамаджджха ратхесабха джимхагамо;

атха джамбу тин̣а̄санапӣт̣хаварам̣, атха тан̣д̣ула мора висайха даса̄ти.