334. ра̄джова̄даджа̄такам̣ (4-4-4)

133. гавам̣ че тарама̄на̄нам̣, джимхам̣ гаччхати пун̇гаво;

сабба̄ та̄ джимхам̣ гаччханти [сабба̄ га̄вӣ джимхам̣ йанти (сӣ. сйа̄.)], нетте джимхам̣ гате сати.

134. евамева мануссесу, йо хоти сет̣т̣хасаммато;

со че адхаммам̣ чарати, пагева итара̄ паджа̄;

саббам̣ рат̣т̣хам̣ дукхам̣ сети, ра̄джа̄ че хоти адхаммико.

135. гавам̣ че тарама̄на̄нам̣, уджум̣ гаччхати пун̇гаво;

сабба̄ га̄вӣ уджум̣ йанти [сабба̄ та̄ уджум̣ гаччханти (пӣ. а. ни. 4.70)], нетте уджум̣ гате сати.

136. евамева мануссесу, йо хоти сет̣т̣хасаммато;

со саче дхаммам̣ чарати, пагева итара̄ паджа̄;

саббам̣ рат̣т̣хам̣ сукхам̣ сети, ра̄джа̄ че хоти дхаммикоти.

ра̄джова̄даджа̄такам̣ чатуттхам̣.