2. пучимандавагго
311. пучимандаджа̄такам̣ (4-2-1)
41. ут̣т̣хехи чора ким̣ сеси, ко аттхо супанена [супитена (сӣ.), супинена (пӣ. ка.)] те;
ма̄ там̣ гахесум̣ [ган̣хеййум̣ (ка.)] ра̄джа̄но, га̄ме киббисака̄ракам̣.
42. йам̣ ну [нӯна (сйа̄.)] чорам̣ гахессанти, га̄ме киббисака̄ракам̣;
ким̣ таттха пучимандасса, ване джа̄тасса тит̣т̣хато.
43. на твам̣ ассаттха джа̄на̄си, мама чорасса чантарам̣;
чорам̣ гахетва̄ ра̄джа̄но, га̄ме киббисака̄ракам̣;
аппенти [ачченти (сйа̄.)] нимбасӯласмим̣, тасмим̣ ме сан̇кате мано.
44. сан̇кеййа сан̇китабба̄ни, раккхеййа̄на̄гатам̣ бхайам̣;
ана̄гатабхайа̄ дхӣро, убхо локе авеккхатӣти.
пучимандаджа̄такам̣ пат̣хамам̣.
312. кассапамандийаджа̄такам̣ (4-2-2)
45. апи кассапа мандийа̄, йува̄ сапати ханти [сампат̣иханти (ка.)] ва̄;
саббам̣ там̣ кхамате дхӣро, пан̣д̣ито там̣ титиккхати.
46. сачепи санто виваданти, кхиппам̣ сандхӣйаре пуна;
ба̄ла̄ патта̄ва бхиджджанти, на те саматхамаджджхагӯ.
47. ете бхиййо сама̄йанти, сандхи тесам̣ на джӣрати;
йо ча̄дхипаннам̣ джа̄на̄ти, йо ча джа̄на̄ти десанам̣.
48. есо хи уттаритаро, бха̄равахо дхураддхаро;
йо пареса̄дхипанна̄нам̣, сайам̣ сандха̄тумарахатӣти.
кассапамандийаджа̄такам̣ дутийам̣.
313. кхантӣва̄дӣджа̄такам̣ (4-2-3)
49. йо те хаттхе ча па̄де ча, кан̣н̣ана̄сан̃ча чхедайи;
тасса куджджха маха̄вӣра, ма̄ рат̣т̣хам̣ винаса̄ [винасса (ка. сӣ. сйа̄. ка.)] идам̣.
50. йо ме хаттхе ча па̄де ча, кан̣н̣ана̄сан̃ча чхедайи;
чирам̣ джӣвату со ра̄джа̄, на хи куджджханти ма̄диса̄.
51. ахӯ атӣтамаддха̄нам̣ [аху атӣтамаддха̄не (сйа̄. пӣ. ка.)], саман̣о кхантидӣпано;
там̣ кхантийа̄йева т̣хитам̣, ка̄сира̄джа̄ ачхедайи.
52. тасса камма [каммасса (сӣ. пӣ.)] пхарусасса, випа̄ко кат̣уко аху;
йам̣ ка̄сира̄джа̄ ведеси, нирайамхи самаппитоти.
кхантӣва̄дӣджа̄такам̣ татийам̣.
314. лохакумбхиджа̄такам̣ (4-2-4)
53. дуджджӣвитамаджӣвимха, йе санте [йесам̣ но (сйа̄. ка.)] на дадамхасе;
виджджама̄несу бхогесу, дӣпам̣ на̄камха аттано.
54. сат̣т̣хи [сат̣т̣хим̣ (сйа̄.)] вассасахасса̄ни, парипун̣н̣а̄ни саббасо;
нирайе паччама̄на̄нам̣, када̄ анто бхависсати.
55. наттхи анто куто анто, на анто пат̣идиссати;
тада̄ хи пакатам̣ па̄пам̣, мама туйхан̃ча ма̄риса̄ [ма̄риса (сӣ. сйа̄. пӣ.)].
56. сохам̣ нӯна ито гантва̄, йоним̣ ладдха̄на ма̄нусим̣;
вадан̃н̃ӯ сӣласампанно, ка̄ха̄ми кусалам̣ бахунти.
лохакумбхиджа̄такам̣ чатуттхам̣.
315. саббамам̣сала̄бхаджа̄такам̣ (4-2-5)
57. пхаруса̄ вата те ва̄ча̄, мам̣сам̣ [самма (пӣ. ка.)] йа̄чанако аси [часи (пӣ.)];
киломасадисӣ [киломасса садиса̄ (пӣ.)] ва̄ча̄, киломам̣ самма дамми те.
58. ан̇гаметам̣ манусса̄нам̣, бха̄та̄ локе павуччати;
ан̇гасса садисӣ ва̄ча̄ [ан̇гассадисӣ те ва̄ча̄ (ка.)], ан̇гам̣ самма дада̄ми те.
59. та̄та̄ти путто вадама̄но, кампети [саммети (ка.)] хадайам̣ питу;
хадайасса садисӣ [хадайассадисӣ (ка.)] ва̄ча̄, хадайам̣ самма дамми те.
60. йасса га̄ме сакха̄ наттхи, йатха̄ран̃н̃ам̣ татхева там̣;
саббасса садисӣ ва̄ча̄, саббам̣ самма дада̄ми тети.
саббамам̣сала̄бхаджа̄такам̣ [мам̣саджа̄такам̣ (сӣ. сйа̄. пӣ.)] пан̃чамам̣.
316. сасапан̣д̣итаджа̄такам̣ (4-2-6)
61. сатта ме рохита̄ маччха̄, удака̄ тхаламуббхата̄;
идам̣ бра̄хман̣а ме аттхи, етам̣ бхутва̄ ване васа.
62. дусса ме кхеттапа̄ласса, раттибхаттам̣ апа̄бхатам̣;
мам̣сасӯла̄ ча две годха̄, екан̃ча дадхива̄ракам̣;
идам̣ бра̄хман̣а ме аттхи, етам̣ бхутва̄ ване васа.
63. амбапаккам̣ дакам̣ [амбапаккодакам̣ (сӣ. пӣ.)] сӣтам̣, сӣтаччха̄йа̄ манорама̄ [сӣтаччха̄йам̣ манорамам̣ (сӣ. сйа̄. пӣ.)];
идам̣ бра̄хман̣а ме аттхи, етам̣ бхутва̄ ване васа.
64. на сасасса тила̄ аттхи, на мугга̄ напи тан̣д̣ула̄;
имина̄ аггина̄ паккам̣, мамам̣ [мам̣сам̣ (ка.)] бхутва̄ ване васа̄ти.
сасапан̣д̣итаджа̄такам̣ чхат̣т̣хам̣.
317. матароданаджа̄такам̣ (4-2-7)
65. матам̣ матам̣ ева [матаматамева (сӣ. сйа̄. пӣ.)] родатха, на хи там̣ родатха йо мариссати;
саббепи [саббева (сӣ. сйа̄. пӣ.)] сарӣрадха̄рино, анупуббена джаханти джӣвитам̣.
66. деваманусса̄ чатуппада̄, паккхиган̣а̄ урага̄ ча бхогино;
самхи [йамхи (сйа̄.), асмим̣ (пӣ. ка.)] сарӣре аниссара̄, рамама̄на̄ва джаханти джӣвитам̣.
67. евам̣ чалитам̣ асан̣т̣хитам̣, сукхадуккхам̣ мануджесвапеккхийа;
кандитарудитам̣ нираттхакам̣, ким̣ во сокаган̣а̄бхикӣраре.
68. дхутта̄ ча сон̣д̣а̄ [дхутта̄ сон̣д̣а̄ (сӣ.), дхутта̄ сон̣д̣а̄ ча (сйа̄.)] аката̄, ба̄ла̄ сӯра̄ айогино [ба̄ла̄ сӯра̄ вӣра̄ айогино (пӣ.)];
дхӣрам̣ ман̃н̃анти ба̄лоти, йе дхаммасса аковида̄ти.
матароданаджа̄такам̣ саттамам̣.
318. кан̣авераджа̄такам̣ (4-2-8)
69. йам̣ там̣ васантасамайе, кан̣авересу бха̄н̣усу;
са̄мам̣ ба̄ха̄йа пӣл̣еси, са̄ там̣ а̄рогйамабрави.
70. амбхо на кира саддхеййам̣, йам̣ ва̄то паббатам̣ вахе;
паббатан̃че вахе ва̄то, саббампи патхавим̣ вахе;
йаттха са̄ма̄ ка̄лаката̄ [ка̄лан̇ката̄ (ка.)], са̄ мам̣ а̄рогйамабрави.
71. на чева са̄ ка̄лаката̄, на ча са̄ ан̃н̃амиччхати;
екабхаттикинӣ [екабхатта̄ кира (сӣ. сйа̄.), екабхаттакинӣ (пӣ.)] са̄ма̄, тамева абхикан̇кхати.
72. асантхутам̣ мам̣ чирасантхутена [асандхатам̣ мам̣ чирасандхатена (ка.)], нимӣни са̄ма̄ адхувам̣ дхувена;
майа̄пи са̄ма̄ ниминеййа ан̃н̃ам̣, ито ахам̣ дӯратарам̣ гамиссанти.
кан̣авераджа̄такам̣ ат̣т̣хамам̣.
319. титтираджа̄такам̣ (4-2-9)
73. сусукхам̣ вата джӣва̄ми, лабха̄ми чева бхун̃джитум̣;
парипантхева тит̣т̣ха̄ми, ка̄ ну бханте гатӣ мама.
74. мано че те наппан̣амати, паккхи па̄пасса каммуно;
абйа̄ват̣асса бхадрасса, на па̄памупалимпати.
75. н̃а̄тако но нисинноти, баху а̄гаччхате джано;
пат̣ичча каммам̣ пхусати, тасмим̣ ме сан̇кате мано.
76. на пат̣ичча каммам̣ пхусати, мано че наппадуссати;
аппоссуккасса бхадрасса, на па̄памупалимпатӣти.
титтираджа̄такам̣ навамам̣.
320. суччаджаджа̄такам̣ (4-2-10)
77. суччаджам̣ вата наччаджи, ва̄ча̄йа ададам̣ гирим̣;
ким̣ хитасса чаджантасса, ва̄ча̄йа адада паббатам̣.
78. йан̃хи кайира̄ тан̃хи ваде, йам̣ на кайира̄ на там̣ ваде;
акаронтам̣ бха̄сама̄нам̣, париджа̄нанти пан̣д̣ита̄.
79. ра̄джапутта намо тйаттху, сачче дхамме т̣хито часи;
йасса те бйасанам̣ патто, саччасмим̣ рамате мано.
80. йа̄ далиддӣ далиддасса, ад̣д̣ха̄ ад̣д̣хасса киттима [киттима̄ (сӣ. сйа̄. пӣ.)];
са̄ хисса парама̄ бхарийа̄, сахиран̃н̃асса иттхийоти.
суччаджаджа̄такам̣ дасамам̣.
пучимандавагго дутийо.
тассудда̄нам̣ –
атха чора сакассапа кхантӣваро, дуджджӣвитата̄ ча вара̄ пхаруса̄;
атха саса матан̃ча васанта сукхам̣, суччаджам̣ватаначчаджина̄ ча даса̄ти.