293. ка̄йаниббиндаджа̄такам̣ (3-5-3)

127. пхут̣т̣хасса ме ан̃н̃атарена бйа̄дхина̄, рогена ба̄л̣хам̣ дукхитасса руппато;

парисуссати кхиппамидам̣ кал̣еварам̣, пуппхам̣ йатха̄ пам̣суни а̄тапе катам̣.

128. аджан̃н̃ам̣ джан̃н̃асан̇кха̄там̣, асучим̣ сучисамматам̣;

на̄на̄кун̣апапарипӯрам̣, джан̃н̃арӯпам̣ апассато.

129. дхираттхумам̣ а̄турам̣ пӯтика̄йам̣, джегуччхийам̣ ассучим̣ бйа̄дхидхаммам̣;

йаттхаппаматта̄ адхимуччхита̄ паджа̄, ха̄пенти маггам̣ сугатӯпапаттийа̄ти.

ка̄йаниббинда [ка̄йавиччханда (сӣ.), ка̄йавиччхинда (пӣ.)] джа̄такам̣ татийам̣.