525. чӯл̣асутасомаджа̄такам̣ (5)

195. ‘‘а̄мантайа̄ми нигамам̣, митта̄мачче париссадже [па̄рисадждже (сӣ. сйа̄.)];

сирасмим̣ палитам̣ джа̄там̣, паббаджджам̣ да̄ни рочахам̣’’.

196. ‘‘абхумме катхам̣ ну бхан̣аси, саллам̣ ме дева ураси каппеси [кампеси (пӣ.)];

саттасата̄ те бхарийа̄, катхам̣ ну те та̄ бхависсанти’’.

197. ‘‘пан̃н̃а̄йихинти ета̄, дахара̄ ан̃н̃ампи та̄ гамиссанти;

сагган̃часса паттхайа̄но, тена ахам̣ паббаджисса̄ми’’.

198. ‘‘дулладдхам̣ ме а̄си сутасома, йасса те хомахам̣ ма̄та̄;

йам̣ ме вилапантийа̄, анапеккхо паббаджаси дева.

199. ‘‘дулладдхам̣ ме а̄си сутасома, йам̣ там̣ ахам̣ виджа̄йиссам̣;

йам̣ ме вилапантийа̄, анапеккхо паббаджаси дева’’.

200. ‘‘ко на̄месо дхаммо, сутасома ка̄ ча на̄ма паббаджджа̄;

йам̣ но амхе джин̣н̣е, анапеккхо паббаджаси дева.

201. ‘‘путта̄пи туйхам̣ бахаво, дахара̄ аппаттайоббана̄;

ман̃джӯ тепи [те (сӣ. пӣ.)] там̣ апассанта̄, ман̃н̃е дуккхам̣ нигаччханти’’.

202. ‘‘путтехи ча ме етехи, дахарехи аппаттайоббанехи;

ман̃джӯхи саббехипи тумхехи, чирампи т̣хатва̄ вина̄сабха̄во’’ [вина̄бха̄во (сӣ. сйа̄. пӣ.)].

203. ‘‘чхиннам̣ ну туйхам̣ хадайам̣, аду те [а̄ду (сӣ. пӣ.), а̄дӯ (сйа̄.)] карун̣а̄ ча наттхи амхесу;

йам̣ но викандантийо [виккандантийо (сӣ.)], анапеккхо паббаджаси дева’’.

204. ‘‘на ча майхам̣ чхиннам̣ хадайам̣, аттхи карун̣а̄пи майхам̣ тумхесу;

сагган̃ча паттхайа̄но, тена ахам̣ [тена̄хам̣ (сӣ. сйа̄.), тенамахам̣ (пӣ.)] паббаджисса̄ми’’.

205. ‘‘дулладдхам̣ ме а̄си, сутасома йасса те ахам̣ бхарийа̄;

йам̣ ме вилапантийа̄, анапеккхо паббаджаси дева.

206. ‘‘дулладдхам̣ ме а̄си, сутасома йасса те ахам̣ бхарийа̄;

йам̣ ме куччхипат̣исандхим̣ [мам̣ куччхиматим̣ сантим̣ (пӣ.)], анапеккхо паббаджаси дева.

207. ‘‘парипакко ме габбхо, куччхигато йа̄ва нам̣ виджа̄йа̄ми;

ма̄хам̣ ека̄ видхава̄, паччха̄ дуккха̄ни аддаккхим̣’’.

208. ‘‘парипакко те габбхо, куччхигато ин̇гха твам̣ [тва (сӣ.), нам̣ (пӣ.)] виджа̄йассу;

путтам̣ аномаван̣н̣ам̣, там̣ хитва̄ паббаджисса̄ми’’.

209. ‘‘ма̄ твам̣ чанде руди, ма̄ сочи ванатимираматтаккхи;

а̄роха варапа̄са̄дам̣ [ча па̄са̄дам̣ (пӣ.)], анапеккхо ахам̣ гамисса̄ми’’.

210. ‘‘ко там̣ амма копеси, ким̣ родаси пеккхаси ча мам̣ ба̄л̣хам̣;

кам̣ аваджджхам̣ гха̄теми [гха̄теми кам̣ аваджджхам̣ (пӣ.), там̣ аваджджхам̣ гха̄теми (ка.)], н̃а̄тӣнам̣ удиккхама̄на̄нам̣’’.

211. ‘‘на хи со сакка̄ хантум̣, виджита̄вӣ [джӣвита̄вӣ (пӣ.)] йо мам̣ та̄та копеси;

пита̄ те мам̣ та̄та авача, анапеккхо ахам̣ гамисса̄ми’’.

212. ‘‘йохам̣ пуббе ниййа̄ми, уййа̄нам̣ маттакун̃джаре ча йодхеми;

сутасоме паббаджите, катхам̣ ну да̄ни карисса̄ми’’.

213. ‘‘ма̄тучча [ма̄ту ча (сӣ. сйа̄.)] ме рудантйа̄ [рудатйа̄ (пӣ.)], джет̣т̣хасса ча бха̄туно ака̄масса;

хаттхепи те гахессам̣, на хи гаччхаси [ган̃чхиси (пӣ.)] но ака̄ма̄нам̣’’.

214. ‘‘ут̣т̣хехи твам̣ дха̄ти, имам̣ кума̄рам̣ рамехи ан̃н̃аттха;

ма̄ ме парипантхамака̄си [мака̄ (сӣ. пӣ.)], саггам̣ мама паттхайа̄насса’’.

215. ‘‘йам̣ нӯнимам̣ дадеййам̣ [джахеййам̣ (пӣ.)] пабхан̇карам̣, ко ну ме имина̄ттхо [ко ну ме имина̄ аттхо (сӣ. сйа̄.), ко ну ме наттхо (пӣ.)];

сутасоме паббаджите, ким̣ ну менам̣ карисса̄ми’’.

216. ‘‘косо ча туйхам̣ випуло, кот̣т̣ха̄га̄ран̃ча туйхам̣ парипӯрам̣;

патхавӣ ча туйхам̣ виджита̄, рамассу ма̄ паббаджи [паббаджассу (сӣ.), паббаджа (пӣ.)] дева’’.

217. ‘‘косо ча майхам̣ випуло, кот̣т̣ха̄га̄ран̃ча майхам̣ парипӯрам̣;

патхавӣ ча майхам̣ виджита̄, там̣ хитва̄ паббаджисса̄ми’’.

218. ‘‘майхампи дханам̣ пахӯтам̣, сан̇кха̄тум̣ [сан̇кхйа̄тум̣ (сӣ.)] нопи дева саккоми;

там̣ те дада̄ми саббампи [там̣ дева те дада̄ми саббампи (сӣ.), там̣ те дада̄ми саббам̣ (пӣ.)], рамассу ма̄ паббаджи дева’’.

219. ‘‘джа̄на̄ми [джа̄на̄ми те (сӣ. сйа̄.)] дханам̣ пахӯтам̣, кулаваддхана пӯджито тайа̄ часми;

сагган̃ча паттхайа̄но, тена ахам̣ паббаджисса̄ми’’.

220. ‘‘уккан̣т̣хитосми ба̄л̣хам̣, арати мам̣ сомадатта а̄висати [а̄вӣсати (ка.)];

бахука̄пи [бахука̄ хи (сӣ. сйа̄.)] ме антара̄йа̄, аджджева̄хам̣ паббаджисса̄ми’’.

221. ‘‘идан̃ча туйхам̣ ручитам̣, сутасома аджджева да̄ни твам̣ паббаджа;

ахампи паббаджисса̄ми, на уссахе тайа̄ вина̄ ахам̣ т̣ха̄тум̣’’.

222. ‘‘на хи сакка̄ паббаджитум̣, нагаре на хи паччати джанападе ча’’;

‘‘сутасоме паббаджите, катхам̣ ну да̄ни карисса̄ма’’.

223. ‘‘упанӣйатидам̣ ман̃н̃е, париттам̣ удакам̣ва чан̇кава̄рамхи;

евам̣ супариттаке джӣвите, на ча памаджджитум̣ ка̄ло.

224. ‘‘упанӣйатидам̣ ман̃н̃е, париттам̣ удакам̣ва чан̇кава̄рамхи;

евам̣ супариттаке джӣвите, андхаба̄ла̄ [атха ба̄ла̄ (сӣ. сйа̄. пӣ.)] памаджджанти.

225. ‘‘те вад̣д̣хайанти нирайам̣, тираччха̄найонин̃ча петтивисайан̃ча;

тан̣ха̄йа бандханабаддха̄, вад̣д̣хенти асурака̄йам̣’’.

226. ‘‘ӯхан̃н̃ате раджаггам̣, авидӯре пуббакамхи ча [пуппхакамхи ча (сӣ. пӣ.)] па̄са̄де;

ман̃н̃е но кеса̄ чхинна̄, йасассино дхаммара̄джасса’’.

227. ‘‘айамасса па̄са̄до, сован̣н̣а [сован̣н̣о (пӣ.)] пуппхама̄лйавӣтикин̣н̣о;

йахи [йамхи (пӣ.)] манувичари ра̄джа̄, парикин̣н̣о иттха̄га̄рехи.

228. ‘‘айамасса па̄са̄до, сован̣н̣апуппхама̄лйавӣтикин̣н̣о;

йахиманувичари ра̄джа̄, парикин̣н̣о н̃а̄тисан̇гхена.

229. ‘‘идамасса кӯт̣а̄га̄рам̣, сован̣н̣апуппхама̄лйавӣтикин̣н̣ам̣;

йахиманувичари ра̄джа̄, парикин̣н̣о иттха̄га̄рехи.

230. ‘‘идамасса кӯт̣а̄га̄рам̣, сован̣н̣а [сован̣н̣ам̣ (пӣ.)] пуппхама̄лйавӣтикин̣н̣ам̣;

йахиманувичари ра̄джа̄, парикин̣н̣о н̃а̄тисан̇гхена.

231. ‘‘айамасса асокаваника̄, супуппхита̄ саббака̄лика̄ рамма̄;

йахиманувичари ра̄джа̄, парикин̣н̣о иттха̄га̄рехи.

232. ‘‘айамасса асокаваника̄, супуппхита̄ саббака̄лика̄ рамма̄;

йахиманувичари ра̄джа̄, парикин̣н̣о н̃а̄тисан̇гхена.

233. ‘‘идамасса уййа̄нам̣, супуппхитам̣ саббака̄ликам̣ раммам̣;

йахиманувичари ра̄джа̄, парикин̣н̣о иттха̄га̄рехи.

234. ‘‘идамасса уййа̄нам̣, супуппхитам̣ саббака̄ликам̣ раммам̣;

йахиманувичари ра̄джа̄, парикин̣н̣о н̃а̄тисан̇гхена.

235. ‘‘идамасса кан̣ика̄раванам̣, супуппхитам̣ саббака̄ликам̣ раммам̣;

йахиманувичари ра̄джа̄, парикин̣н̣о иттха̄га̄рехи.

236. ‘‘идамасса кан̣ика̄раванам̣, супуппхитам̣ саббака̄ликам̣ раммам̣;

йахиманувичари ра̄джа̄, парикин̣н̣о н̃а̄тисан̇гхена.

237. ‘‘идамасса па̄т̣аливанам̣ [па̄т̣алӣванам̣ (сӣ.)], супуппхитам̣ саббака̄ликам̣ раммам̣;

йахиманувичари ра̄джа̄, парикин̣н̣о иттха̄га̄рехи.

238. ‘‘идамасса па̄т̣аливанам̣, супуппхитам̣ саббака̄ликам̣ раммам̣;

йахиманувичари ра̄джа̄, парикин̣н̣о н̃а̄тисан̇гхена.

239. ‘‘идамасса амбаванам̣, супуппхитам̣ саббака̄ликам̣ раммам̣;

йахиманувичари ра̄джа̄, парикин̣н̣о иттха̄га̄рехи.

240. ‘‘идамасса амбаванам̣, супуппхитам̣ саббака̄ликам̣ раммам̣;

йахиманувичари ра̄джа̄, парикин̣н̣о н̃а̄тисан̇гхена.

241. ‘‘айамасса поккхаран̣ӣ, сан̃чханна̄ ан̣д̣аджехи вӣтикин̣н̣а̄;

йахиманувичари ра̄джа̄, парикин̣н̣о иттха̄га̄рехи.

242. ‘‘айамасса поккхаран̣ӣ, сан̃чханна̄ ан̣д̣аджехи вӣтикин̣н̣а̄;

йахиманувичари ра̄джа̄, парикин̣н̣о н̃а̄тисан̇гхена’’.

243. ‘‘ра̄джа̄ во кхо [ра̄джа̄ кхо (сӣ. сйа̄. пӣ.)] паббаджито, сутасомо раджджам̣ имам̣ пахатва̄на [пахантва̄на (сйа̄. ка.)];

ка̄са̄йаваттхавасано, на̄гова екако [екакова (сӣ.)] чарати’’.

244. ‘‘ма̄ссу пуббе ратикӣл̣ита̄ни, хасита̄ни ча ануссариттха [ануссариттхо (пӣ.)];

ма̄ во ка̄ма̄ ханим̣су, раммам̣ хи [сурамман̃хи (сйа̄. ка.)] судассанам̣ [судассанам̣ на̄ма (сӣ.)] нагарам̣.

245. ‘‘меттачиттан̃ча [меттан̃ча (пӣ.)] бха̄ветха, аппама̄н̣ам̣ дива̄ ча ратто ча;

агаччхиттха [атха ган̃чхиттха (сӣ. сйа̄. пӣ.)] девапура, а̄ва̄сам̣ пун̃н̃акаммина’’нти [пун̃н̃акамма̄нанти (пӣ.)].

чӯл̣асутасомаджа̄такам̣ пан̃чамам̣.

чатта̄лӣсанипа̄там̣ нит̣т̣хитам̣.