8. бхидурасуттам̣

77. вуттан̃хетам̣ бхагавата̄, вуттамарахата̄ти ме сутам̣ –

‘‘бхидура̄йам̣ [бхинданта̄йам̣ (сйа̄. пӣ. ка.)], бхиккхаве, ка̄йо, вин̃н̃а̄н̣ам̣ вира̄гадхаммам̣, саббе упадхӣ аничча̄ дуккха̄ випарин̣а̄мадхамма̄’’ти. етаматтхам̣ бхагава̄ авоча. таттхетам̣ ити вуччати –

‘‘ка̄йан̃ча бхидурам̣ [бхиндантам̣ (сйа̄. пӣ. ка.)] н̃атва̄, вин̃н̃а̄н̣ан̃ча вира̄гунам̣ [вира̄гикам̣ (ка. сӣ.), пабхан̇гун̣ам̣ (сйа̄.)];

упадхӣсу бхайам̣ дисва̄, джа̄тимаран̣амаччага̄;

сампатва̄ парамам̣ сантим̣, ка̄лам̣ кан̇кхати бха̄витатто’’ти.

айампи аттхо вутто бхагавата̄, ити ме сутанти. ат̣т̣хамам̣.