5. дуччаритасуттам̣

64. вуттан̃хетам̣ бхагавата̄, вуттамарахата̄ти ме сутам̣ –

‘‘тӣн̣има̄ни, бхиккхаве, дуччарита̄ни. катама̄ни тӣн̣и? ка̄йадуччаритам̣, вачӣдуччаритам̣, манодуччаритам̣ – има̄ни кхо, бхиккхаве, тӣн̣и дуччарита̄нӣ’’ти. етаматтхам̣ бхагава̄ авоча. таттхетам̣ ити вуччати –

‘‘ка̄йадуччаритам̣ катва̄, вачӣдуччарита̄ни ча;

манодуччаритам̣ катва̄, йан̃чан̃н̃ам̣ досасам̣хитам̣.

‘‘акатва̄ кусалам̣ каммам̣, катва̄на̄кусалам̣ бахум̣;

ка̄йасса бхеда̄ дуппан̃н̃о, нирайам̣ сопападжджатӣ’’ти.

айампи аттхо вутто бхагавата̄, ити ме сутанти. пан̃чамам̣.