6. сучаритасуттам̣

65. вуттан̃хетам̣ бхагавата̄, вуттамарахата̄ти ме сутам̣ –

‘‘тӣн̣има̄ни, бхиккхаве, сучарита̄ни. катама̄ни тӣн̣и? ка̄йасучаритам̣, вачӣсучаритам̣, маносучаритам̣ – има̄ни кхо, бхиккхаве, тӣн̣и сучарита̄нӣ’’ти. етаматтхам̣ бхагава̄ авоча. таттхетам̣ ити вуччати –

‘‘ка̄йадуччаритам̣ хитва̄, вачӣдуччарита̄ни ча;

манодуччаритам̣ хитва̄, йан̃чан̃н̃ам̣ досасам̣хитам̣.

‘‘акатва̄кусалам̣ каммам̣, катва̄на кусалам̣ бахум̣;

ка̄йасса бхеда̄ саппан̃н̃о, саггам̣ со упападжджатӣ’’ти.

айампи аттхо вутто бхагавата̄, ити ме сутанти. чхат̣т̣хам̣.