3. тапанӣйасуттам̣

30. вуттан̃хетам̣ бхагавата̄, вуттамарахата̄ти ме сутам̣ –

‘‘двеме, бхиккхаве, дхамма̄ тапанӣйа̄. катаме две? идха, бхиккхаве, екаччо акатакалйа̄н̣о хоти, акатакусало, акатабхӣрутта̄н̣о, катапа̄по, каталуддо, катакиббисо. со ‘акатам̣ ме калйа̄н̣а’нтипи таппати, ‘катам̣ ме па̄па’нтипи таппати. име кхо, бхиккхаве, две дхамма̄ тапанӣйа̄’’ти. етаматтхам̣ бхагава̄ авоча. таттхетам̣ ити вуччати –

‘‘ка̄йадуччаритам̣ катва̄, вачӣдуччарита̄ни ча;

манодуччаритам̣ катва̄, йан̃чан̃н̃ам̣ досасан̃хитам̣.

‘‘акатва̄ кусалам̣ каммам̣, катва̄на̄кусалам̣ бахум̣;

ка̄йасса бхеда̄ дуппан̃н̃о, нирайам̣ сопападжджатӣ’’ти [нирайам̣ со упападжджатӣти (сӣ. сйа̄. кам̣. пӣ.)].

айампи аттхо вутто бхагавата̄, ити ме сутанти. татийам̣.