4. атапанӣйасуттам̣

31. вуттан̃хетам̣ бхагавата̄, вуттамарахата̄ти ме сутам̣ –

‘‘двеме, бхиккхаве, дхамма̄ атапанӣйа̄. катаме две? идха, бхиккхаве, екаччо катакалйа̄н̣о хоти, катакусало, катабхӣрутта̄н̣о, акатапа̄по, акаталуддо, акатакиббисо. со ‘катам̣ ме калйа̄н̣а’нтипи на таппати, ‘акатам̣ ме па̄па’нтипи на таппати. име кхо, бхиккхаве, две дхамма̄ атапанӣйа̄’’ти. етаматтхам̣ бхагава̄ авоча. таттхетам̣ ити вуччати –

‘‘ка̄йадуччаритам̣ хитва̄, вачӣдуччарита̄ни ча;

манодуччаритам̣ хитва̄, йан̃чан̃н̃ам̣ досасан̃хитам̣.

‘‘акатва̄кусалам̣ каммам̣, катва̄на кусалам̣ бахум̣;

ка̄йасса бхеда̄ саппан̃н̃о, саггам̣ со упападжджатӣ’’ти.

айампи аттхо вутто бхагавата̄, ити ме сутанти. чатуттхам̣.