7. пан̃чадӣпакаттхераапада̄нам̣

50. ‘‘падумуттарабуддхасса, саббабхӯта̄нукампино;

саддахитва̄на [сусан̣т̣хахитва̄ (сӣ.)] саддхамме, уджудит̣т̣хи ахосахам̣.

51. ‘‘падӣпада̄нам̣ па̄да̄сим̣, парива̄ретва̄на бодхийам̣;

саддаханто падӣпа̄ни, акарим̣ та̄ваде ахам̣.

52. ‘‘йам̣ йам̣ йонупападжджа̄ми, деваттам̣ атха ма̄нусам̣;

а̄ка̄се уккам̣ дха̄ренти, дӣпада̄нассидам̣ пхалам̣.

53. ‘‘тирокут̣т̣ам̣ тироселам̣, саматиггайха паббатам̣;

саманта̄ йоджанасатам̣, дассанам̣ анубхомахам̣.

54. ‘‘тена камма̄васесена, паттомхи а̄саваккхайам̣;

дха̄реми антимам̣ дехам̣, двипадиндасса са̄сане.

55. ‘‘чатуттим̣се каппасате, сатачаккхусана̄мака̄;

ра̄джа̄хесум̣ маха̄теджа̄, чаккаваттӣ махаббала̄.

56. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ пан̃чадӣпако тхеро има̄ га̄тха̄йо абха̄ситтха̄ти.

пан̃чадӣпакаттхерасса̄пада̄нам̣ саттамам̣.