6. дан̣д̣ада̄йакаттхераапада̄нам̣

36. ‘‘ка̄нанам̣ ванамогайха, вел̣ум̣ чхетва̄нахам̣ тада̄;

а̄ламбан̣ам̣ каритва̄на, сан̇гхасса ададим̣ бахум̣ [ахам̣ (сӣ. сйа̄. пӣ.)].

37. ‘‘тена читтаппаса̄дена, суббате абхива̄дийа;

а̄ламбадан̣д̣ам̣ датва̄на, пакка̄мим̣ уттара̄мукхо.

38. ‘‘чатуннавутито каппе, йам̣ дан̣д̣амададим̣ тада̄;

дуггатим̣ на̄бхиджа̄на̄ми, дан̣д̣ада̄нассидам̣ пхалам̣.

39. ‘‘килеса̄ джха̄пита̄ майхам̣…пе… вихара̄ми ана̄саво.

40. ‘‘сва̄гатам̣ вата ме а̄си…пе… катам̣ буддхасса са̄санам̣.

41. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ дан̣д̣ада̄йако тхеро има̄ га̄тха̄йо

абха̄ситтха̄ти.

дан̣д̣ада̄йакаттхерасса̄пада̄нам̣ чхат̣т̣хам̣.

тевӣсатимам̣ бха̄н̣ава̄рам̣.