7. гиринелапӯджакаттхераапада̄нам̣

42. ‘‘мигалуддо пуре а̄сим̣, випине вичарам̣ ахам̣;

аддасам̣ вираджам̣ буддхам̣, саббадхамма̄на па̄рагум̣.

43. ‘‘тасмим̣ маха̄ка̄рун̣ике, саббасаттахите рате;

пасанначитто сумано, нелапуппхамапӯджайим̣.

44. ‘‘екатим̣се ито каппе, йам̣ пуппхамабхипӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

45. ‘‘килеса̄ джха̄пита̄ майхам̣…пе… вихара̄ми ана̄саво.

46. ‘‘сва̄гатам̣ вата ме а̄си…пе… катам̣ буддхасса са̄санам̣.

47. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ гиринелапӯджако тхеро има̄ га̄тха̄йо

абха̄ситтха̄ти.

гиринелапӯджакаттхерасса̄пада̄нам̣ саттамам̣.