2. пам̣сукӯлапӯджакаттхераапада̄нам̣

8. ‘‘химавантасса̄видӯре, удан̇ган̣о на̄ма паббато;

таттхаддасам̣ пам̣сукӯлам̣, думаггамхи виламбитам̣.

9. ‘‘тӣн̣и кин̇кан̣ипуппха̄ни, очинитва̄нахам̣ тада̄;

хат̣т̣хо хат̣т̣хена читтена, пам̣сукӯламапӯджайим̣.

10. ‘‘тена каммена сукатена, четана̄пан̣идхӣхи ча;

джахитва̄ ма̄нусам̣ дехам̣, та̄ватим̣самагаччхахам̣.

11. ‘‘еканавутито каппе, йам̣ каммамакарим̣ тада̄;

дуггатим̣ на̄бхиджа̄на̄ми, пӯджитва̄ арахаддхаджам̣.

12. ‘‘килеса̄ джха̄пита̄ майхам̣…пе… вихара̄ми ана̄саво.

13. ‘‘сва̄гатам̣ вата ме а̄си…пе… катам̣ буддхасса са̄санам̣.

14. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ пам̣сукӯлапӯджако тхеро има̄ га̄тха̄йо

абха̄ситтха̄ти.

пам̣сукӯлапӯджакаттхерасса̄пада̄нам̣ дутийам̣.