1. тикин̇кан̣ипуппхийаттхераапада̄нам̣

1. ‘‘кан̣ика̄рам̣ва джотантам̣, нисиннам̣ паббатантаре;

аддасам̣ вираджам̣ буддхам̣, випассим̣ локана̄йакам̣.

2. ‘‘тӣн̣и кин̇кан̣ипуппха̄ни, паггайха абхиропайим̣;

самбуддхамабхипӯджетва̄, гаччха̄ми даккхин̣а̄мукхо.

3. ‘‘тена каммена сукатена, четана̄пан̣идхӣхи ча;

джахитва̄ ма̄нусам̣ дехам̣, та̄ватим̣самагаччхахам̣.

4. ‘‘еканавутито каппе, йам̣ буддхамабхипӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

5. ‘‘килеса̄ джха̄пита̄ майхам̣, бхава̄ саббе самӯхата̄;

на̄гова бандханам̣ чхетва̄, вихара̄ми ана̄саво.

6. ‘‘сва̄гатам̣ вата ме а̄си, мама буддхасса сантике;

тиссо виджджа̄ ануппатта̄, катам̣ буддхасса са̄санам̣.

7. ‘‘пат̣исамбхида̄ чатассо, вимоккха̄пи ча ат̣т̣химе;

чхал̣абхин̃н̃а̄ саччхиката̄, катам̣ буддхасса са̄санам̣’’.

иттхам̣ судам̣ а̄йасма̄ тикин̇кан̣ипуппхийо тхеро има̄

га̄тха̄йо абха̄ситтха̄ти.

тикин̇кан̣ипуппхийаттхерасса̄пада̄нам̣ пат̣хамам̣.