10. пулиначан̇камийаттхераапада̄нам̣

90. ‘‘мигалуддо пуре а̄сим̣, аран̃н̃е ка̄нане ахам̣;

ва̄тамигам̣ гавесанто, чан̇камам̣ аддасам̣ ахам̣.

91. ‘‘уччхан̇гена пулинам̣ [пул̣инам̣ (сӣ. сйа̄. пӣ. ка.)] гайха, чан̇каме окирим̣ ахам̣;

пасанначитто сумано, сугатасса сирӣмато.

92. ‘‘екатим̣се ито каппе, пулинам̣ окирим̣ ахам̣;

дуггатим̣ на̄бхиджа̄на̄ми, пулинасса идам̣ пхалам̣.

93. ‘‘килеса̄ джха̄пита̄ майхам̣…пе… вихара̄ми ана̄саво.

94. ‘‘сва̄гатам̣ вата ме а̄си…пе… катам̣ буддхасса са̄санам̣.

95. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ пулиначан̇камийо тхеро има̄ га̄тха̄йо

абха̄ситтха̄ти.

пулиначан̇камийаттхерасса̄пада̄нам̣ дасамам̣.

нал̣ама̄ливагго ат̣т̣хачатта̄лӣсамо.