48. нал̣ама̄ливагго

1. нал̣ама̄лийаттхераапада̄нам̣

1. ‘‘суван̣н̣аван̣н̣ам̣ самбуддхам̣, а̄хутӣнам̣ пат̣иггахам̣;

випинаггена гаччхантам̣, аддасам̣ локана̄йакам̣.

2. ‘‘нал̣ама̄лам̣ гахетва̄на, никкхаманто ча та̄ваде;

таттхаддаса̄сим̣ самбуддхам̣, огхатин̣н̣амана̄савам̣.

3. ‘‘пасанначитто сумано, нал̣ама̄ламапӯджайим̣;

даккхин̣еййам̣ маха̄вӣрам̣, саббалока̄нукампакам̣.

4. ‘‘екатим̣се ито каппе, йам̣ ма̄ламабхиропайим̣ [пуппхамабхиропайим̣ (сӣ. сйа̄. пӣ.)];

дуггатим̣ на̄бхиджа̄на̄ми, буддхапӯджа̄йидам̣ пхалам̣.

5. ‘‘килеса̄ джха̄пита̄ майхам̣, бхава̄ саббе самӯхата̄;

на̄гова бандханам̣ чхетва̄, вихара̄ми ана̄саво.

6. ‘‘сва̄гатам̣ вата ме а̄си, мама буддхасса сантике;

тиссо виджджа̄ ануппатта̄, катам̣ буддхасса са̄санам̣.

7. ‘‘пат̣исамбхида̄ чатассо, вимоккха̄пи ча ат̣т̣химе;

чхал̣абхин̃н̃а̄ саччхиката̄, катам̣ буддхасса са̄санам̣’’.

иттхам̣ судам̣ а̄йасма̄ нал̣ама̄лийо тхеро има̄ га̄тха̄йо

абха̄ситтха̄ти.

нал̣ама̄лийаттхерасса̄пада̄нам̣ пат̣хамам̣.

2. ман̣ипӯджакаттхераапада̄нам̣

8. ‘‘падумуттаро на̄ма джино, саббадхамма̄на па̄рагӯ;

вивекака̄мо самбуддхо, гаччхате анилан̃джасе.

9. ‘‘авидӯре химавантасса, маха̄джа̄тассаро аху;

таттха ме бхаванам̣ а̄си, пун̃н̃акаммена сам̣йутам̣.

10. ‘‘бхавана̄ абхиниккхамма, аддасам̣ локана̄йакам̣;

индӣварам̣ва джалитам̣, а̄диттам̣ва хута̄санам̣.

11. ‘‘вичинам̣ наддасам̣ пуппхам̣, пӯджайиссанти на̄йакам̣;

сакам̣ читтам̣ паса̄детва̄, авандим̣ саттхуно ахам̣.

12. ‘‘мама сӣсе ман̣им̣ гайха, пӯджайим̣ локана̄йакам̣;

има̄йа ман̣ипӯджа̄йа, випа̄ко хоту бхаддако.

13. ‘‘падумуттаро локавидӯ, а̄хутӣнам̣ пат̣иггахо;

анталиккхе т̣хито саттха̄, имам̣ га̄тхам̣ абха̄сатха.

14. ‘со те иджджхату сан̇каппо, лабхассу випулам̣ сукхам̣;

има̄йа ман̣ипӯджа̄йа, анубхохи маха̄йасам̣’.

15. ‘‘идам̣ ватва̄на бхагава̄, джаладжуттамана̄мако;

агама̄си буддхасет̣т̣хо, йаттха читтам̣ пан̣ӣхитам̣.

16. ‘‘сат̣т̣хикаппа̄ни девиндо, девараджджамака̄райим̣;

анекасатаккхаттун̃ча, чаккаваттӣ ахосахам̣.

17. ‘‘пуббакаммам̣ сарантасса, девабхӯтасса ме сато;

ман̣и ниббаттате майхам̣, а̄локакаран̣о мамам̣.

18. ‘‘чхал̣асӣтисахасса̄ни, на̄рийо ме париггаха̄;

вичиттаваттха̄бхаран̣а̄, а̄муккаман̣икун̣д̣ала̄ [а̄муттаман̣икун̣д̣ала̄ (сӣ. сйа̄. пӣ.)].

19. ‘‘ал̣а̄рапамха̄ хасула̄, сусан̃н̃а̄ танумаджджхима̄;

парива̄ренти мам̣ ниччам̣, ман̣ипӯджа̄йидам̣ пхалам̣.

20. ‘‘сон̣н̣амайа̄ ман̣имайа̄, лохитан̇гамайа̄ татха̄;

бхан̣д̣а̄ ме суката̄ хонти, йадиччхаси [йадиччха̄йа (сӣ. пӣ.)] пил̣андхана̄.

21. ‘‘кӯт̣а̄га̄ра̄ гаха̄рамма̄, сайанан̃ча маха̄рахам̣;

мама сан̇каппаман̃н̃а̄йа, ниббаттанти йадиччхакам̣.

22. ‘‘ла̄бха̄ тесам̣ суладдхан̃ча, йе лабханти упассутим̣;

пун̃н̃аккхеттам̣ манусса̄нам̣, осадхам̣ саббапа̄н̣инам̣.

23. ‘‘майхампи сукатам̣ каммам̣, йохам̣ адаккхи на̄йакам̣;

винипа̄та̄ памуттомхи, паттомхи ачалам̣ падам̣.

24. ‘‘йам̣ йам̣ йонупападжджа̄ми, деваттам̣ атха ма̄нусам̣;

дивасан̃чева раттин̃ча [саманта̄ саттаратана̄ (сӣ. пӣ. ка.)], а̄локо хоти ме сада̄.

25. ‘‘та̄йева ман̣ипӯджа̄йа, анубхотва̄на сампада̄;

н̃а̄н̣а̄локо майа̄ дит̣т̣хо, паттомхи ачалам̣ падам̣.

26. ‘‘сатасахассито каппе, йам̣ ман̣им̣ абхипӯджайим̣;

дуггатим̣ на̄бхиджа̄на̄ми, ман̣ипӯджа̄йидам̣ пхалам̣.

27. ‘‘килеса̄ джха̄пита̄ майхам̣…пе… вихара̄ми ана̄саво.

28. ‘‘сва̄гатам̣ вата ме а̄си…пе… катам̣ буддхасса са̄санам̣.

29. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ ман̣ипӯджако тхеро има̄ га̄тха̄йо

абха̄ситтха̄ти.

ман̣ипӯджакаттхерасса̄пада̄нам̣ дутийам̣.

3. укка̄сатикаттхераапада̄нам̣

30. ‘‘косико на̄ма бхагава̄, читтакӯт̣е васӣ тада̄;

джха̄йӣ джха̄нарато буддхо, вивека̄бхирато муни.

31. ‘‘аджджхога̄хетва̄ [аджджхогахетва̄ (сӣ. сйа̄. пӣ.)] химавантам̣, на̄рӣган̣апураккхато;

аддасам̣ косикам̣ буддхам̣, пун̣н̣ама̄йева чандимам̣.

32. ‘‘укка̄сате гахетва̄на, парива̄ресахам̣ тада̄;

саттараттиндивам̣ т̣хатва̄ [буддхо (сйа̄. ка.)], ат̣т̣хамена агаччхахам̣.

33. ‘‘вут̣т̣хитам̣ косикам̣ буддхам̣, сайамбхум̣ апара̄джитам̣;

пасанначитто вандитва̄, екам̣ бхиккхам̣ ада̄сахам̣.

34. ‘‘тена каммена двипадинда, локаджет̣т̣ха нара̄сабха;

уппаджджим̣ тусите ка̄йе, екабхиккха̄йидам̣ пхалам̣.

35. ‘‘дивасан̃чева раттин̃ча, а̄локо хоти ме сада̄;

саманта̄ йоджанасатам̣, обха̄сена пхара̄махам̣.

36. ‘‘пан̃чапан̃н̃а̄сакаппамхи, чаккаваттӣ ахосахам̣;

ча̄туранто виджита̄вӣ, джамбуман̣д̣асса [джамбусан̣д̣асса (пӣ.)] иссаро.

37. ‘‘тада̄ ме нагарам̣ а̄си, иддхам̣ пхӣтам̣ суниммитам̣;

тим̣сайоджанама̄йа̄мам̣, виттха̄рена ча вӣсати.

38. ‘‘собхан̣ам̣ на̄ма нагарам̣, виссакаммена ма̄питам̣;

дасасадда̄вивиттам̣ там̣, саммата̄л̣асама̄хитам̣.

39. ‘‘на тамхи нагаре аттхи, валликат̣т̣хан̃ча маттика̄;

саббасон̣н̣амайам̣йева, джотате ниччака̄ликам̣.

40. ‘‘чатупа̄ка̄рапариккхиттам̣, тайо а̄сум̣ ман̣имайа̄;

вемаджджхе та̄лапантӣ ча, виссакаммена ма̄пита̄.

41. ‘‘дасасахассапоккхаран̃н̃о, падумуппалачха̄дита̄;

пун̣д̣арӣкехи [пун̣д̣арӣка̄ди (сйа̄.)] сан̃чханна̄, на̄на̄гандхасамӣрита̄.

42. ‘‘чатуннавутито каппе, йам̣ уккам̣ дха̄райим̣ ахам̣;

дуггатим̣ на̄бхиджа̄на̄ми, уккадха̄рассидам̣ пхалам̣.

43. ‘‘килеса̄ джха̄пита̄ майхам̣…пе… вихара̄ми ана̄саво.

44. ‘‘сва̄гатам̣ вата ме а̄си…пе… катам̣ буддхасса са̄санам̣.

45. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ укка̄сатико тхеро има̄ га̄тха̄йо

абха̄ситтха̄ти.

укка̄сатикаттхерасса̄пада̄нам̣ татийам̣.

4. суманабӣджанийаттхераапада̄нам̣

46. ‘‘випассино бхагавато, бодхийа̄ па̄дапуттаме;

сумано бӣджаним̣ гайха, абӣджим̣ бодхимуттамам̣.

47. ‘‘еканавутито каппе, абӣджим̣ бодхимуттамам̣;

дуггатим̣ на̄бхиджа̄на̄ми, бӣджана̄йа идам̣ пхалам̣.

48. ‘‘килеса̄ джха̄пита̄ майхам̣…пе… вихара̄ми ана̄саво.

49. ‘‘сва̄гатам̣ вата ме а̄си…пе… катам̣ буддхасса са̄санам̣.

50. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ суманабӣджанийо тхеро има̄ га̄тха̄йо

абха̄ситтха̄ти.

суманабӣджанийаттхерасса̄пада̄нам̣ чатуттхам̣.

5. кумма̄сада̄йакаттхераапада̄нам̣

51. ‘‘есана̄йа чарантасса, випассисса махесино;

риттакам̣ паттам̣ дисва̄на, кумма̄сам̣ пӯрайим̣ ахам̣.

52. ‘‘еканавутито каппе, йам̣ бхиккхам̣ ададим̣ тада̄;

дуггатим̣ на̄бхиджа̄на̄ми, кумма̄сасса идам̣ пхалам̣.

53. ‘‘килеса̄ джха̄пита̄ майхам̣…пе… вихара̄ми ана̄саво.

54. ‘‘сва̄гатам̣ вата ме а̄си…пе… катам̣ буддхасса са̄санам̣.

55. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ кумма̄сада̄йако тхеро има̄ га̄тха̄йо

абха̄ситтха̄ти.

кумма̄сада̄йакаттхерасса̄пада̄нам̣ пан̃чамам̣.

6. кусат̣т̣хакада̄йакаттхераапада̄нам̣

56. ‘‘кассапасса бхагавато, бра̄хман̣асса вусӣмато;

пасанначитто сумано, кусат̣т̣хакамада̄сахам̣.

57. ‘‘имасмим̣йева каппасмим̣, кусат̣т̣хакамада̄сахам̣;

дуггатим̣ на̄бхиджа̄на̄ми, кусат̣т̣хакассидам̣ пхалам̣.

58. ‘‘килеса̄ джха̄пита̄ майхам̣…пе… вихара̄ми ана̄саво.

59. ‘‘сва̄гатам̣ вата ме а̄си…пе… катам̣ буддхасса са̄санам̣.

60. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ кусат̣т̣хакада̄йако тхеро има̄ га̄тха̄йо

абха̄ситтха̄ти.

кусат̣т̣хакада̄йакаттхерасса̄пада̄нам̣ чхат̣т̣хам̣.

7. гирипунна̄гийаттхераапада̄нам̣

61. ‘‘собхито на̄ма самбуддхо, читтакӯт̣е васӣ тада̄;

гахетва̄ гирипунна̄гам̣, сайамбхум̣ абхипӯджайим̣.

62. ‘‘чатуннавутито каппе, йам̣ буддхамабхипӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

63. ‘‘килеса̄ джха̄пита̄ майхам̣…пе… вихара̄ми ана̄саво.

64. ‘‘сва̄гатам̣ вата ме а̄си…пе… катам̣ буддхасса са̄санам̣.

65. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ гирипунна̄гийо тхеро има̄ га̄тха̄йо

абха̄ситтха̄ти.

гирипунна̄гийаттхерасса̄пада̄нам̣ саттамам̣.

8. валлика̄рапхалада̄йакаттхераапада̄нам̣

66. ‘‘сумано на̄ма самбуддхо, таккара̄йам̣ васӣ тада̄;

валлика̄рапхалам̣ гайха, сайамбхусса ада̄сахам̣.

67. ‘‘екатим̣се ито каппе, йам̣ пхалам̣ ададим̣ тада̄;

дуггатим̣ на̄бхиджа̄на̄ми, пхалада̄нассидам̣ пхалам̣.

68. ‘‘килеса̄ джха̄пита̄ майхам̣…пе… вихара̄ми ана̄саво.

69. ‘‘сва̄гатам̣ вата ме а̄си…пе… катам̣ буддхасса са̄санам̣.

70. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ валлика̄рапхалада̄йако тхеро има̄