9. ведика̄ракаттхераапада̄нам̣

61. ‘‘падумуттарасса бхагавато, бодхийа̄ па̄дапуттаме;

ведикам̣ сукатам̣ катва̄, сакам̣ читтам̣ паса̄дайим̣.

62. ‘‘атол̣а̄ра̄ни [атхол̣а̄ра̄ни (сӣ. пӣ.), аггол̣а̄ра̄ни (сйа̄.)] бхан̣д̣а̄ни, ката̄ни аката̄ни ча;

анталиккха̄ павассанти, ведика̄йа идам̣ пхалам̣.

63. ‘‘убхато бйӯл̣хасан̇га̄ме, паккханданто бхайа̄наке;

бхайабхеравам̣ на пасса̄ми, ведика̄йа идам̣ пхалам̣.

64. ‘‘мама сан̇каппаман̃н̃а̄йа, бйамхам̣ ниббаттате субхам̣;

сайана̄ни махаггха̄ни, ведика̄йа идам̣ пхалам̣.

65. ‘‘сатасахассито каппе, йам̣ ведикамака̄райим̣;

дуггатим̣ на̄бхиджа̄на̄ми, ведика̄йа идам̣ пхалам̣.

66. ‘‘килеса̄ джха̄пита̄ майхам̣…пе… вихара̄ми ана̄саво.

67. ‘‘сва̄гатам̣ вата ме а̄си…пе… катам̣ буддхасса са̄санам̣.

68. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ ведика̄рако тхеро има̄ га̄тха̄йо

абха̄ситтха̄ти.

ведика̄ракаттхерасса̄пада̄нам̣ навамам̣.