7. екадхаммассаванийаттхераапада̄нам̣

88. ‘‘падумуттаро на̄ма джино, саббадхамма̄на па̄рагӯ;

чатусаччам̣ пака̄сенто, санта̄реси бахум̣ джанам̣.

89. ‘‘ахам̣ тена самайена, джат̣ило уггата̄пано;

дхунанто ва̄качӣра̄ни, гаччха̄ми амбаре тада̄.

90. ‘‘буддхасет̣т̣хасса упари, гантум̣ на висаха̄махам̣;

паккхӣва селама̄саджджа, гаманам̣ на лабха̄махам̣.

91. ‘‘удаке воккамитва̄на, евам̣ гаччха̄ми амбаре;

на ме идам̣ бхӯтапуббам̣, ирийа̄патхавикопанам̣.

92. ‘‘ханда метам̣ гавесиссам̣, аппеваттхам̣ лабхеййахам̣;

ороханто анталиккха̄, саддамассоси саттхуно.

93. ‘‘сарена раджанӣйена, саванӣйена ваггуна̄;

аниччатам̣ катхентасса, тан̃н̃ева уггахим̣ тада̄;

аниччасан̃н̃амуггайха, агама̄сим̣ мамассамам̣.

94. ‘‘йа̄вата̄йум̣ васитва̄на, таттха ка̄лан̇като ахам̣;

чариме ваттама̄намхи, саддхаммассаванам̣ сарим̣.

95. ‘‘тена каммена сукатена, четана̄пан̣идхӣхи ча;

джахитва̄ ма̄нусам̣ дехам̣, та̄ватим̣самагаччхахам̣.

96. ‘‘тим̣сакаппасахасса̄ни, девалоке рамим̣ ахам̣;

екапан̃н̃а̄саккхаттун̃ча, девараджджамака̄райим̣.

97. ‘‘екавӣсатиккхаттун̃ча [екатим̣сати… (сйа̄.)], чаккаваттӣ ахосахам̣;

падесараджджам̣ випулам̣, ган̣ана̄то асан̇кхийам̣.

98. ‘‘анубхоми сакам̣ пун̃н̃ам̣, сукхитохам̣ бхава̄бхаве;

ануссара̄ми там̣ сан̃н̃ам̣, сам̣саранто бхава̄бхаве;

на кот̣им̣ пат̣ивиджджха̄ми, нибба̄нам̣ аччутам̣ падам̣.

99. ‘‘питугехе нисӣдитва̄, саман̣о бха̄витиндрийо;

катхам̣са [катхайам̣ (сӣ. пӣ. ка.)] паридӣпенто, аниччатамуда̄хари.

100. ‘‘‘аничча̄ вата сан̇кха̄ра̄, уппа̄давайадхаммино;

уппаджджитва̄ нируджджханти, тесам̣ вӯпасамо сукхо’.

101. ‘‘саха га̄тхам̣ сун̣итва̄на, пуббасан̃н̃амануссарим̣;

ека̄сане нисӣдитва̄, арахаттамапа̄пун̣им̣.

102. ‘‘джа̄тийа̄ саттавассена, арахаттамапа̄пун̣им̣;

упасампа̄дайӣ буддхо, дхаммассаванассидам̣ пхалам̣.

103. ‘‘сатасахассито каппе, йам̣ дхаммамасун̣им̣ тада̄;

дуггатим̣ на̄бхиджа̄на̄ми, дхаммассаванассидам̣ пхалам̣.

104. ‘‘килеса̄ джха̄пита̄ майхам̣…пе… вихара̄ми ана̄саво.

105. ‘‘сва̄гатам̣ вата ме а̄си…пе… катам̣ буддхасса са̄санам̣.

106. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ екадхаммассаванийо тхеро има̄

га̄тха̄йо абха̄ситтха̄ти.

екадхаммассаванийаттхерасса̄пада̄нам̣ саттамам̣.