7. а̄ра̄мада̄йакаттхераапада̄нам̣

32. ‘‘сиддхаттхасса бхагавато, а̄ра̄мо ропито майа̄;

сандаччха̄йесу [сӣтачха̄йесу (сйа̄.), сантаччха̄йесу (ка.)] руккхесу, упа̄сантесу паккхису.

33. ‘‘аддасам̣ вираджам̣ буддхам̣, а̄хутӣнам̣ пат̣иггахам̣;

а̄ра̄мам̣ абхина̄месим̣, локаджет̣т̣хам̣ нара̄сабхам̣.

34. ‘‘хат̣т̣хо хат̣т̣хена читтена, пхалам̣ пуппхамада̄сахам̣;

тато джа̄таппаса̄дова, там̣ ванам̣ парин̣а̄майим̣.

35. ‘‘буддхасса йамидам̣ да̄сим̣, виппасаннена четаса̄;

бхаве ниббаттама̄намхи, ниббаттати пхалам̣ мама.

36. ‘‘чатуннавутито каппе, йам̣ а̄ра̄мамадам̣ тада̄;

дуггатим̣ на̄бхиджа̄на̄ми, а̄ра̄масса идам̣ пхалам̣.

37. ‘‘саттатим̣се ито каппе, сатта̄сум̣ мудусӣтала̄;

саттаратанасампанна̄, чаккаваттӣ махаббала̄.

38. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ а̄ра̄мада̄йако тхеро има̄ га̄тха̄йо абха̄ситтха̄ти.

а̄ра̄мада̄йакаттхерасса̄пада̄нам̣ саттамам̣.