8. анулепада̄йакаттхераапада̄нам̣

39. ‘‘аттхадассисса мунино, аддасам̣ са̄вакам̣ ахам̣;

навакаммам̣ каронтасса, сӣма̄йа упагаччхахам̣.

40. ‘‘нит̣т̣хите навакамме ча, анулепамада̄сахам̣;

пасанначитто сумано, пун̃н̃аккхетте ануттаре.

41. ‘‘ат̣т̣ха̄расе каппасате, йам̣ каммамакарим̣ тада̄;

дуггатим̣ на̄бхиджа̄на̄ми, анулепассидам̣ пхалам̣.

42. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ анулепада̄йако тхеро има̄ га̄тха̄йо абха̄ситтха̄ти.

анулепада̄йакаттхерасса̄пада̄нам̣ ат̣т̣хамам̣.