3. са̄лапуппхийаттхераапада̄нам̣

9. ‘‘арун̣аватийа̄ нагаре, ахосим̣ пӯпико тада̄;

мама два̄рена гаччхантам̣, сикхинам̣ аддасам̣ джинам̣.

10. ‘‘буддхасса паттам̣ паггайха, са̄лапуппхам̣ ада̄сахам̣;

саммаггатасса буддхасса, виппасаннена четаса̄.

11. ‘‘екаттим̣се ито каппе, йам̣ пуппхамабхида̄сахам̣ [йам̣ кхаджджакамада̄сахам̣ (сӣ.), йам̣ кхаджджамабхида̄сахам̣ (ка.) са̄лапуппхана̄макам̣ кхаджджакам̣ ва̄ бхавеййа];

дуггатим̣ на̄бхиджа̄на̄ми, са̄лапуппхассидам̣ пхалам̣.

12. ‘‘ито чуддасакаппамхи, ахосим̣ амитан̃джало;

саттаратанасампанно, чаккаваттӣ махаббало.

13. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ са̄лапуппхийо тхеро има̄ га̄тха̄йо абха̄ситтха̄ти.

са̄лапуппхийаттхерасса̄пада̄нам̣ татийам̣.