4. килан̃джада̄йакаттхераапада̄нам̣

14. ‘‘тивара̄йам̣ пуре рамме, нал̣ака̄ро ахам̣ тада̄;

сиддхаттхе локападжджоте, пасанна̄ джаната̄ тахим̣.

15. ‘‘пӯджаттхам̣ локана̄тхасса, килан̃джам̣ парийесати;

буддхапӯджам̣ каронта̄нам̣, килан̃джам̣ ададим̣ ахам̣.

16. ‘‘чатуннавутито каппе, йам̣ каммамакарим̣ тада̄;

дуггатим̣ на̄бхиджа̄на̄ми, килан̃джасса идам̣ пхалам̣.

17. ‘‘саттасаттатикаппамхи, ра̄джа̄ а̄сим̣ джаладдхаро [джутиндхаро (сӣ.)];

саттаратанасампанно, чаккаваттӣ махаббало.

18. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ килан̃джада̄йако тхеро има̄ га̄тха̄йо абха̄ситтха̄ти.

килан̃джада̄йакаттхерасса̄пада̄нам̣ чатуттхам̣.