8. аккантасан̃н̃акаттхераапада̄нам̣

37. ‘‘куса̄т̣акам̣ гахетва̄на, упаджджха̄йассахам̣ пуре;

мантан̃ча анусиккха̄ми, гантха̄досасса [кан̣д̣абхедасса (сӣ.), ган̣д̣абхедасса (сйа̄.)] паттийа̄.

38. ‘‘аддасам̣ вираджам̣ буддхам̣, а̄хутӣнам̣ пат̣иггахам̣;

усабхам̣ паварам̣ аггам̣, тиссам̣ буддхам̣ ган̣уттамам̣ [гаджуттамам̣ (сйа̄.)].

39. ‘‘куса̄т̣акам̣ паттхаритам̣, аккамантам̣ наруттамам̣;

самуггатам̣ маха̄вӣрам̣, локаджет̣т̣хам̣ нара̄сабхам̣.

40. ‘‘дисва̄ там̣ локападжджотам̣, вималам̣ чандасаннибхам̣;

авандим̣ саттхуно па̄де, виппасаннена четаса̄.

41. ‘‘чатуннавутито каппе, йам̣ ада̄сим̣ куса̄т̣акам̣;

дуггатим̣ на̄бхиджа̄на̄ми, куса̄т̣акассидам̣ пхалам̣.

42. ‘‘саттатим̣се ито каппе, еко а̄сим̣ джана̄дхипо;

сунандо на̄ма на̄мена, чаккаваттӣ махаббало.

43. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ аккантасан̃н̃ако тхеро има̄ га̄тха̄йо абха̄ситтха̄ти;

аккантасан̃н̃акаттхерасса̄пада̄нам̣ ат̣т̣хамам̣.