6. удакада̄йакаттхераапада̄нам̣

25. ‘‘бхун̃джантам̣ саман̣ам̣ дисва̄, виппасаннамана̄вилам̣;

гхат̣енодакама̄да̄йа, сиддхаттхасса ада̄сахам̣.

26. ‘‘ниммало хомахам̣ аджджа, вимало кхӣн̣асам̣сайо;

бхаве ниббаттама̄намхи, пхалам̣ ниббаттате мама [субхам̣ (сӣ.)].

27. ‘‘чатуннавутито каппе, удакам̣ йамада̄сахам̣ [йам̣ тада̄ адам̣ (сӣ.), ададим̣ тада̄ (сйа̄.)];

дуггатим̣ на̄бхиджа̄на̄ми, дакада̄нассидам̣ пхалам̣.

28. ‘‘екасат̣т̣химхито каппе, екова вимало аху;

саттаратанасампанно, чаккаваттӣ махаббало.

29. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ удакада̄йако тхеро има̄ га̄тха̄йо абха̄ситтха̄ти.

удакада̄йакаттхерасса̄пада̄нам̣ чхат̣т̣хам̣.