7. салалама̄лийаттхераапада̄нам̣

30. ‘‘кан̣ика̄рам̣ва джотантам̣, нисиннам̣ паббатантаре;

обха̄сентам̣ диса̄ сабба̄, сиддхаттхам̣ нараса̄ратхим̣.

31. ‘‘дханум̣ адведжджхам̣ катва̄на, усум̣ саннайхахам̣ тада̄;

пуппхам̣ саван̣т̣ам̣ чхетва̄на, буддхасса абхиропайим̣.

32. ‘‘чатуннавутито каппе, йам̣ пуппхамабхиропайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

33. ‘‘екапан̃н̃а̄сито каппе, еко а̄сим̣ джутиндхаро;

саттаратанасампанно, чаккаваттӣ махаббало.

34. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ салалама̄лийо тхеро има̄ га̄тха̄йо абха̄ситтха̄ти.

салалама̄лийаттхерасса̄пада̄нам̣ саттамам̣.