6. кисалайапӯджакаттхераапада̄нам̣

28. ‘‘нагаре два̄раватийа̄, ма̄ла̄ваччхо мамам̣ аху;

удапа̄но ча таттхева, па̄дапа̄нам̣ вирохано.

29. ‘‘сабалена упаттхаддхо, сиддхаттхо апара̄джито;

мама̄нукампама̄но со, гаччхате анилан̃джасе.

30. ‘‘ан̃н̃ам̣ кин̃чи на пасса̄ми, пӯджа̄йоггам̣ махесино;

асокам̣ паллавам̣ дисва̄, а̄ка̄се уккхипим̣ ахам̣.

31. ‘‘буддхасса те кисалайа̄, гаччхато йанти паччхато;

та̄хам̣ дисва̄на сам̣виджим̣ [сохам̣ дисва̄на там̣ иддхим̣ (сӣ. сйа̄.)], ахо буддхассул̣а̄рата̄.

32. ‘‘чатуннавутито каппе, паллавам̣ абхиропайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

33. ‘‘саттатим̣се [саттавӣсе (сӣ. сйа̄.)] ито каппе, еко екиссаро аху;

саттаратанасампанно, чаккаваттӣ махаббало.

34. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ кисалайапӯджако тхеро има̄ га̄тха̄йо абха̄ситтха̄ти.

кисалайапӯджакаттхерасса̄пада̄нам̣ чхат̣т̣хам̣.