5. ан̇колакаттхераапада̄нам̣

23. ‘‘ан̇колам̣ пуппхитам̣ дисва̄, ма̄ла̄варам̣ сакосакам̣ [самогадхам̣ (сйа̄.)];

очинитва̄на там̣ пуппхам̣, агамам̣ буддхасантикам̣.

24. ‘‘сиддхаттхо тамхи самайе, патилӣно маха̄муни;

мухуттам̣ пат̣има̄нетва̄, гуха̄йам̣ пуппхамокирим̣.

25. ‘‘чатуннавутито каппе, йам̣ пуппхамабхипӯджайим̣;

дуггатим̣ на̄бхиджа̄на̄ми, пуппхада̄нассидам̣ [буддхапӯджа̄йидам̣ (сӣ. сйа̄.)] пхалам̣.

26. ‘‘чхаттим̣самхи ито каппе, а̄секо девагаджджито;

саттаратанасампанно, чаккаваттӣ махаббало.

27. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ ан̇колако тхеро има̄ га̄тха̄йо абха̄ситтха̄ти.

ан̇колакаттхерасса̄пада̄нам̣ пан̃чамам̣.