5. манда̄равапуппхапӯджакаттхераапада̄нам̣

25. ‘‘девапутто ахам̣ санто, пӯджайим̣ сикхина̄йакам̣;

манда̄равена пуппхена, буддхасса абхиропайим̣.

26. ‘‘сатта̄хам̣ чхаданам̣ а̄си, диббам̣ ма̄лам̣ татха̄гате;

саббе джана̄ сама̄гантва̄, намассим̣су татха̄гатам̣.

27. ‘‘екаттим̣се ито каппе, йам̣ пуппхамабхипӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

28. ‘‘ито ча дасаме каппе, ра̄джа̄хосим̣ джутиндхаро;

саттаратанасампанно, чаккаваттӣ махаббало.

29. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ манда̄равапуппхапӯджако тхеро има̄ га̄тха̄йо абха̄ситтха̄ти.

манда̄равапуппхапӯджакаттхерасса̄пада̄нам̣ пан̃чамам̣.