6. кадамбапуппхийаттхераапада̄нам̣

30. ‘‘химавантасса̄видӯре, куккут̣о на̄ма паббато;

тамхи паббатапа̄дамхи, сатта буддха̄ васанти те.

31. ‘‘кадамбам̣ пуппхитам̣ дисва̄, дӣпара̄джам̣ва уггатам̣;

убхо хаттхехи паггайха, сатта буддхе самокирим̣.

32. ‘‘чатуннавутито каппе, йам̣ пуппхамабхиропайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

33. ‘‘двенавуте ито каппе, сатта̄сум̣ пуппхана̄мака̄;

саттаратанасампанна̄, чаккаваттӣ махаббала̄.

34. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ кадамбапуппхийо тхеро има̄ га̄тха̄йо абха̄ситтха̄ти;

кадамбапуппхийаттхерасса̄пада̄нам̣ чхат̣т̣хам̣.