4. какка̄рупуппхапӯджакаттхераапада̄нам̣

21. ‘‘девапутто ахам̣ санто, пӯджайим̣ сикхина̄йакам̣;

какка̄рупуппхам̣ паггайха, буддхасса абхиропайим̣.

22. ‘‘екаттим̣се ито каппе, йам̣ пуппхамабхиропайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

23. ‘‘ито ча наваме каппе, ра̄джа̄ саттуттамо ахум̣;

саттаратанасампанно, чаккаваттӣ махаббало.

24. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ какка̄рупуппхапӯджако тхеро има̄ га̄тха̄йо абха̄ситтха̄ти.

какка̄рупуппхапӯджакаттхерасса̄пада̄нам̣ чатуттхам̣.