8. пхалакада̄йакаттхераапада̄нам̣

37. ‘‘йа̄нака̄ро пуре а̄сим̣, да̄рукамме сусиккхито;

чанданам̣ пхалакам̣ катва̄, ада̄сим̣ локабандхуно.

38. ‘‘пабха̄сати идам̣ бйамхам̣, суван̣н̣асса суниммитам̣;

хаттхийа̄нам̣ ассайа̄нам̣, диббайа̄нам̣ упат̣т̣хитам̣.

39. ‘‘па̄са̄да̄ сивика̄ чева, ниббаттанти йадиччхакам̣;

аккхуббхам̣ [аккхобхам̣ (сӣ.)] ратанам̣ майхам̣, пхалакасса идам̣ пхалам̣.

40. ‘‘еканавутито каппе, пхалакам̣ йамахам̣ дадим̣;

дуггатим̣ на̄бхиджа̄на̄ми, пхалакасса идам̣ пхалам̣.

41. ‘‘саттапан̃н̃а̄сакаппамхи, чатуро ниммита̄вхайа̄;

саттаратанасампанна̄, чаккаваттӣ махаббала̄.

42. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ пхалакада̄йако тхеро има̄ га̄тха̄йо абха̄ситтха̄ти.

пхалакада̄йакаттхерасса̄пада̄нам̣ ат̣т̣хамам̣.