9. ват̣ам̣сакийаттхераапада̄нам̣

43. ‘‘сумедхо на̄ма на̄мена, сайамбхӯ апара̄джито;

вивекаманубрӯханто, аджджхогахи маха̄ванам̣.

44. ‘‘сал̣алам̣ пуппхитам̣ дисва̄, гантхитва̄на [бандхитва̄на (сӣ.)] ват̣ам̣сакам̣;

буддхасса абхиропесим̣, саммукха̄ локана̄йакам̣.

45. ‘‘тим̣сакаппасахассамхи, йам̣ пуппхамабхиропайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

46. ‘‘ӯнавӣсе каппасате, сол̣аса̄сум̣ суниммита̄;

саттаратанасампанна̄, чаккаваттӣ махаббала̄.

47. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ ват̣ам̣сакийо тхеро има̄ га̄тха̄йо абха̄ситтха̄ти.

ват̣ам̣сакийаттхерасса̄пада̄нам̣ навамам̣.