3. чанданапӯджанакаттхераапада̄нам̣

17. ‘‘чандабха̄га̄надӣтӣре, ахосим̣ киннаро тада̄;

пуппхабхаккхо чахам̣ а̄сим̣, пуппха̄нивасано татха̄ [пуппха̄нам̣ васано ахам̣ (сйа̄.)].

18. ‘‘аттхадассӣ ту бхагава̄, локаджет̣т̣хо нара̄сабхо;

випинаггена ниййа̄си, хам̣сара̄джа̄ва амбаре.

19. ‘‘намо те пуриса̄джан̃н̃а, читтам̣ те сувисодхитам̣;

пасаннамукхаван̣н̣оси, виппасаннамукхиндрийо.

20. ‘‘орохитва̄на а̄ка̄са̄, бхӯрипан̃н̃о сумедхасо;

сан̇гха̄т̣им̣ паттхаритва̄на, паллан̇кена упа̄виси.

21. ‘‘вилӣнам̣ чандана̄да̄йа, агама̄сим̣ джинантикам̣;

пасанначитто сумано, буддхасса абхиропайим̣.

22. ‘‘абхива̄детва̄на самбуддхам̣, локаджет̣т̣хам̣ нара̄сабхам̣;

па̄моджджам̣ джанайитва̄на, пакка̄мим̣ уттара̄мукхо.

23. ‘‘ат̣т̣ха̄расе каппасате, чанданам̣ йам̣ апӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

24. ‘‘чатуддасе каппасате, ито а̄сим̣су те тайо;

рохан̣ӣ на̄ма [рохита̄ на̄ма (сӣ.), рохин̣ӣ на̄ма (сйа̄.)] на̄мена, чаккаваттӣ махаббала̄.

25. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ чанданапӯджанако тхеро има̄ га̄тха̄йо абха̄ситтха̄ти;

чанданапӯджанакаттхерасса̄пада̄нам̣ татийам̣.

ат̣т̣хамабха̄н̣ава̄рам̣.