4. пуппхаччхаданийаттхераапада̄нам̣

26. ‘‘сунандо на̄ма на̄мена, бра̄хман̣о мантапа̄рагӯ;

аджджха̄йако йа̄чайого, ва̄джапеййам̣ айа̄джайи.

27. ‘‘падумуттаро локавидӯ, агго ка̄рун̣ико иси;

джанатам̣ анукампанто, амбаре чан̇камӣ тада̄.

28. ‘‘чан̇камитва̄на самбуддхо, саббан̃н̃ӯ локана̄йако;

метта̄йа апхари сатте, аппама̄н̣е [аппама̄н̣ам̣ (сӣ. сйа̄.)] нирӯпадхи.

29. ‘‘ван̣т̣е чхетва̄на пуппха̄ни, бра̄хман̣о мантапа̄рагӯ;

саббе сиссе сама̄нетва̄, а̄ка̄се уккхипа̄пайи.

30. ‘‘йа̄вата̄ нагарам̣ а̄си, пуппха̄нам̣ чхаданам̣ тада̄;

буддхасса а̄нубха̄вена, сатта̄хам̣ на вигаччхатха.

31. ‘‘тенева суккамӯлена, анубхотва̄на сампада̄;

сабба̄саве парин̃н̃а̄йа, тин̣н̣о локе висаттикам̣.

32. ‘‘ека̄расе каппасате, пан̃чатим̣са̄су кхаттийа̄;

амбарам̣сасана̄ма̄ те, чаккаваттӣ махаббала̄.

33. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ пуппхаччхаданийо тхеро има̄ га̄тха̄йо абха̄ситтха̄ти.

пуппхаччхаданийаттхерасса̄пада̄нам̣ чатуттхам̣.