5. суван̣н̣апуппхийаттхераапада̄нам̣

40. ‘‘випассӣ на̄ма бхагава̄, локаджет̣т̣хо нара̄сабхо;

нисинно джанака̄йасса, десеси аматам̣ падам̣.

41. ‘‘тасса̄хам̣ дхаммам̣ сутва̄на, двипадиндасса та̄дино;

сон̣н̣апуппха̄ни чатта̄ри, буддхасса абхиропайим̣.

42. ‘‘суван̣н̣аччхаданам̣ а̄си, йа̄вата̄ париса̄ тада̄;

буддха̄бха̄ ча суван̣н̣а̄бха̄, а̄локо випуло аху.

43. ‘‘удаггачитто сумано, ведаджа̄то катан̃джалӣ;

виттисан̃джанано тесам̣, дит̣т̣хадхаммасукха̄вахо.

44. ‘‘а̄йа̄читва̄на самбуддхам̣, вандитва̄на ча суббатам̣;

па̄моджджам̣ джанайитва̄на, сакам̣ бхаванупа̄гамим̣.

45. ‘‘бхаване упавит̣т̣хохам̣, буддхасет̣т̣хам̣ ануссарим̣;

тена читтаппаса̄дена, туситам̣ упападжджахам̣.

46. ‘‘еканавутито каппе, йам̣ пуппхамабхиропайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

47. ‘‘сол̣аса̄сим̣су ра̄джа̄но, немисамматана̄мака̄;

тета̄лӣсе ито каппе, чаккаваттӣ махаббала̄.

48. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ суван̣н̣апуппхийо тхеро има̄ га̄тха̄йо абха̄ситтха̄ти.

суван̣н̣апуппхийаттхерасса̄пада̄нам̣ пан̃чамам̣.