6. читакапӯджакаттхераапада̄нам̣

49. ‘‘васа̄ми ра̄джа̄йатане, са̄маччо сапариджджано;

париниббуте бхагавати, сикхино локабандхуно.

50. ‘‘пасанначитто сумано, читакам̣ агама̄сахам̣;

тӯрийам̣ таттха ва̄детва̄, гандхама̄лам̣ самокирим̣.

51. ‘‘читамхи пӯджам̣ катва̄на, вандитва̄ читакам̣ ахам̣;

пасанначитто сумано, сакам̣ бхаванупа̄гамим̣.

52. ‘‘бхаване упавит̣т̣хохам̣, читапӯджам̣ ануссарим̣;

тена каммена двипадинда, локаджет̣т̣ха нара̄сабха.

53. ‘‘анубхотва̄на сампаттим̣, девесу ма̄нусесу ча;

паттомхи ачалам̣ т̣ха̄нам̣, хитва̄ джайапара̄джайам̣.

54. ‘‘екаттим̣се ито каппе, йам̣ пуппхамабхиропайим̣;

дуггатим̣ на̄бхиджа̄на̄ми, читапӯджа̄йидам̣ пхалам̣.

55. ‘‘екӯнатим̣сакаппамхи, ито сол̣аса ра̄джа̄но;

уггата̄ на̄ма на̄мена, чаккаваттӣ махаббала̄.

56. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ читакапӯджако тхеро има̄ га̄тха̄йо абха̄ситтха̄ти.

читакапӯджакаттхерасса̄пада̄нам̣ чхат̣т̣хам̣.