8. ат̣т̣хамасиккха̄падаван̣н̣ана̄

824. ат̣т̣хаме – ниббит̣т̣хо ра̄джабхат̣о ран̃н̃о бхати кен̣и етена̄ти ниббит̣т̣хара̄джабхат̣о, екам̣ т̣ха̄нантарам̣ кен̣ийа̄ гахетва̄ тато ладдхаудайоти аттхо. тан̃н̃ева бхат̣апатхам̣ йа̄чисса̄мӣти ран̃н̃о кен̣им̣ датва̄ пуна там̣йева т̣ха̄нантарам̣ йа̄чисса̄мӣти чинтенто. парибха̄сӣти та̄ бхиккхунийо ‘‘ма̄ пуна евам̣ кариттха̄’’ти сантаджджеси.

826. сайам̣ чхад̣д̣етӣти чатта̄рипи ваттхӯни екапайогена чхад̣д̣ентийа̄ ека̄ва а̄патти, па̄т̣еккам̣ чхад̣д̣ентийа̄ ваттхуган̣ана̄йа а̄паттийо. а̄н̣аттийампи есева найо. дантакат̣т̣хачхад̣д̣анепи бхиккхунийа̄ па̄читтийамева. бхиккхусса саббаттха дуккат̣ам̣. сесам̣ утта̄намева.

чхасамут̣т̣ха̄нам̣ – кирийа̄кирийам̣, носан̃н̃а̄вимоккхам̣, ачиттакам̣, пан̣н̣аттиваджджам̣, ка̄йакаммам̣, вачӣкаммам̣, тичиттам̣, тиведананти.

ат̣т̣хамасиккха̄падам̣.