3. татийапа̄ра̄джикасиккха̄падаван̣н̣ана̄

669. татийе – дхаммена̄ти бхӯтена ваттхуна̄. винайена̄ти чодетва̄ са̄ретва̄. падабха̄джанам̣ панасса ‘‘йена дхаммена йена винайена уккхитто сууккхитто хотӣ’’ти имам̣адхиппа̄йаматтам̣ дассетум̣ вуттам̣. саттхуса̄санена̄ти н̃аттисампада̄йа чева ануса̄ванасампада̄йа ча. падабха̄джане панасса ‘‘джинаса̄санена буддхаса̄санена̄’’ти вевачанаматтамева вуттам̣. сан̇гхам̣ ва̄ ган̣ам̣ ва̄тиа̄дӣсу йена сан̇гхена каммам̣ катам̣, там̣ сан̇гхам̣ ва̄ таттха самбахулапуггаласан̇кха̄там̣ ган̣ам̣ ва̄, екапуггалам̣ ва̄ там̣ каммам̣ ва̄ на а̄дийати, на ануваттати, на таттха а̄дарам̣ джанетӣти аттхо. сама̄насам̣ва̄сака̄ бхиккхӯ вуччанти саха̄йа̄, со техи саддхим̣ наттхӣти еттха ‘‘екакаммам̣ екуддесо самасиккхата̄’’ти айам̣ та̄ва сам̣ва̄со; сама̄но сам̣ва̄со етесанти сама̄насам̣ва̄сака̄.еварӯпа̄ бхиккхӯ бхиккхусса тасмим̣ сам̣ва̄се саха айанабха̄вена саха̄йа̄ти вуччанти. ида̄ни йена сам̣ва̄сена те сама̄насам̣ва̄сака̄ти вутта̄, со сам̣ва̄со тасса уккхиттакасса техи саддхим̣ наттхи. йехи ча саддхим̣ тасса со сам̣ва̄со наттхи, на тена те бхиккхӯ аттано саха̄йа̄ ката̄ хонти. тасма̄ вуттам̣ ‘‘сама̄насам̣ва̄сака̄ бхиккхӯ вуччанти саха̄йа̄, со техи саддхим̣ наттхи, тена вуччати акатасаха̄йо’’ти. сесам̣ сан̇гхабхедасиккха̄пада̄дӣсу вуттанайатта̄ утта̄наттхамева.

саманубха̄санасамут̣т̣ха̄нам̣ – ка̄йава̄ча̄читтато самут̣т̣ха̄ти, акирийам̣, сан̃н̃а̄вимоккхам̣, сачиттакам̣, локаваджджам̣, ка̄йакаммам̣, вачӣкаммам̣, акусалачиттам̣, дуккхаведананти.

татийапа̄ра̄джикам̣.