5. кабал̣аваггаван̣н̣ана̄

617. ана̄хат̣ети ана̄харите; мукхадва̄рам̣ асампа̄питети аттхо.

618. саббам̣ хаттханти сакалахаттхам̣.

619. сакабал̣ена̄ти еттха дхаммам̣ катхенто харӣтакам̣ ва̄ лат̣т̣химадхукам̣ ва̄ мукхе паккхипитва̄ катхети. йаттакена вачанам̣ апарипун̣н̣ам̣ на хоти, таттаке мукхамхи санте катхетум̣ ват̣т̣ати.

620. пин̣д̣уккхепаканти пин̣д̣ам̣ уккхипитва̄ уккхипитва̄.

621. кабал̣а̄ваччхедаканти кабал̣ам̣ аваччхиндитва̄ аваччхиндитва̄.

622. аваган̣д̣ака̄раканти маккат̣о вийа ган̣д̣е катва̄ катва̄.

623. хаттханиддхунаканти хаттхам̣ ниддхунитва̄ ниддхунитва̄.

624. ситтха̄вака̄раканти ситтха̄ни авакиритва̄ авакиритва̄.

625. дживха̄ниччха̄раканти дживхам̣ ниччха̄ретва̄ ниччха̄ретва̄.

626. чапучапука̄раканти чапу чапӯти евам̣ саддам̣ катва̄ катва̄.

пан̃чамо вагго.