4. саккаччаваггаван̣н̣ана̄

606. саккаччанти еттха̄пи асаккаччам̣ пат̣иггахан̣ейева а̄патти, пат̣иггахитам̣ пана супат̣иггахитамева. саккаччанти ча паттасан̃н̃ӣти ча̄ти убхайам̣ вуттанайамева.

608. сапада̄нанти таттха таттха одхим̣ акатва̄ анупат̣ипа̄т̣ийа̄. самасӯпаке ваттаббам̣ вуттамева.

610. тхӯпакатоти маттхакато; вемаджджхатоти аттхо.

611. пат̣иччха̄детва̄ дентӣти ма̄гха̄тасамайа̄дӣсу пат̣иччханнам̣ бйан̃джанам̣ катва̄ денти. вин̃н̃аттийам̣ ваттаббам̣ наттхи.

614. уджджха̄насан̃н̃ӣсиккха̄падепи гила̄но на муччати.

615. на̄тимаханто кабал̣оти майӯран̣д̣ам̣ атимахантам̣, куккут̣ан̣д̣ам̣ атикхуддакам̣, тесам̣ вемаджджхаппама̄н̣о. кхаджджакети еттха мӯлакха̄данӣйа̄ди саббам̣ гахетаббам̣.

чатуттхо вагго.