3. кхамбхакатаваггаван̣н̣ана̄

596-8. кхамбхакато на̄ма кат̣ийам̣ хаттхам̣ т̣хапетва̄ катакхамбхо. огун̣т̣хитоти сасӣсам̣ па̄руто.

600. уккут̣ика̄йа̄ти еттха уккут̣ика̄ вуччати пан̣хийо уккхипитва̄ аггапа̄дехи ва̄, аггапа̄де ва̄ уккхипитва̄ пан̣хӣхийева ва̄ бхӯмим̣ пхусантасса гаманам̣. каран̣авачанам̣ панеттха вутталаккхан̣амева.

601. дуссапаллаттхика̄йа̄ти еттха а̄йогапаллаттхика̄пи дуссапаллаттхика̄ ева.

602. саккаччанти сатим̣ упат̣т̣хапетва̄.

603. а̄кирантепӣти пин̣д̣апа̄там̣ дентепи. паттасан̃н̃ӣти патте сан̃н̃ам̣ катва̄.

604. самасӯпако на̄ма йаттха бхаттасса чатуттхабха̄гаппама̄н̣о сӯпо хоти. муггасӯпо ма̄сасӯпоти еттха кулаттха̄дӣхи катасӯпа̄пи сан̇гахам̣ гаччхантийева̄ти маха̄паччарийам̣ вуттам̣. расарасети еттха т̣хапетва̄ две сӯпе авасеса̄ни олон̣ӣса̄касӯпеййамаччхарасамам̣сараса̄дӣни расараса̄ти ведитабба̄ни. там̣ расарасам̣ бахумпи ган̣хантасса ана̄патти.

605. саматиттиканти самапун̣н̣ам̣ самабхаритам̣. тхӯпӣкатам̣ пин̣д̣апа̄там̣ пат̣игган̣ха̄ти, а̄патти дуккат̣асса̄ти еттха тхӯпӣкато на̄ма паттасса антомукхават̣т̣илекхам̣ атиккамитва̄ като; патте паккхитто рачито пӯритоти аттхо. евам̣ катам̣ агахетва̄ антомукхават̣т̣илекха̄самаппама̄н̣о гахетаббо.

таттха тхӯпӣкатам̣ на̄ма ‘‘пан̃чахи бходжанехи ката’’нти абхайаттхеро а̄ха. типит̣акачӯл̣ана̄гаттхеро пана ‘‘пин̣д̣апа̄то на̄ма йа̄гупи бхаттампи кха̄данӣйампи чун̣н̣апин̣д̣опи дантакат̣т̣хампи дасикасуттампӣ’’ти идам̣ суттам̣ ватва̄ дасикасуттампи тхӯпӣкатам̣ на ват̣т̣атӣти а̄ха. тесам̣ ва̄дам̣ сутва̄ бхиккхӯ рохан̣ам̣ гантва̄ чӯл̣асуманаттхерам̣ пуччхим̣су – ‘‘бханте тхӯпӣкатапин̣д̣апа̄то кена париччхинно’’ти? тесан̃ча тхера̄нам̣ ва̄дам̣ а̄рочесум̣. тхеро сутва̄ а̄ха – ‘‘ахо, чӯл̣ана̄го са̄санато бхат̣т̣хо, ахам̣ етасса саттаккхаттум̣ винайам̣ ва̄ченто на када̄чи евам̣ авачам̣, айам̣ куто лабхитва̄ евам̣ вадасӣ’’ти. бхиккхӯ тхерам̣ йа̄чим̣су – ‘‘катхетха да̄ни, бханте, кена париччхинно’’ти? ‘‘йа̄вака̄ликена̄вусо’’ти тхеро а̄ха. тасма̄ йам̣кин̃чи йа̄губхаттам̣ ва̄ пхала̄пхалам̣ ва̄ а̄мисаджа̄тикам̣ саматиттикамева гахетаббам̣. тан̃ча кхо адхит̣т̣ха̄нупагена паттена, итарена пана тхӯпӣкатампи ват̣т̣ати. йа̄мака̄ликасатта̄хака̄ликайа̄ваджӣвика̄ни пана адхит̣т̣ха̄нупагапаттепи тхӯпӣката̄ни ват̣т̣анти. двӣсу паттесу бхаттам̣ гахетва̄ екасмим̣ пӯретва̄ виха̄рам̣ песетум̣ ват̣т̣атӣти маха̄паччарийам̣ пана вуттам̣. йам̣ патте паккхипийама̄нам̣ пӯвауччхукхан̣д̣апхала̄пхала̄ди хет̣т̣ха̄ орохати, там̣ тхӯпӣкатам̣ на̄ма на хоти. пӯвават̣ам̣сакам̣ т̣хапетва̄ пин̣д̣апа̄там̣ денти, тхӯпӣкатамева хоти. пуппхават̣ам̣сакатакколакат̣укапхала̄диват̣ам̣саке пана т̣хапетва̄ диннам̣ тхӯпӣкатам̣ на хоти. бхаттасса упари тха̄лакам̣ ва̄ паттам̣ ва̄ т̣хапетва̄ пӯретва̄ ган̣ха̄ти, тхӯпӣкатам̣ на̄ма на хоти. курундийампи вуттам̣ – ‘‘тха̄лаке ва̄ пан̣н̣е ва̄ паккхипитва̄ там̣ паттаматтхаке т̣хапетва̄ денти, па̄т̣еккабха̄джанам̣ ват̣т̣атӣ’’ти.

идха ана̄паттийам̣ гила̄но на а̄гато, тасма̄ гила̄нассапи тхӯпӣкатам̣ на ват̣т̣ати. саббаттха пана пат̣иггахетумева на ват̣т̣ати. пат̣иггахитам̣ пана супат̣иггахитамева хоти, парибхун̃джитум̣ ват̣т̣атӣти.

татийо вагго.